Улаанбаатар хотын захиргаа болон Байгаль орчны яамнаас ирэх зургадугаар сараас эхлэн нийслэлд зөвхөн Евро 5 стандартын шатахуун хэрэглэж эхлэх шийдвэр гаргасан талаар мэдээлсэн.
Энэ нь Евро 2 стандартын шатахуун хүхрийн агууламж өндөртэй, байгаль орчин болон хүний эрүүл мэндэд сөрөг нөлөө их үзүүлдэгтэй холбоотой бөгөөд илүү дэвшилтэт Евро 5 стандартын шатахуун нь харьцангуй бага сөрөг нөлөөтэй гэж үзэж байгаа юм.
Аж үйлдвэр, эрдэс баялгийн сайд Г.Дамдинням энэ талаар хэлэхдээ, Байгаль орчны яамнаас 2026 оны хоёрдугаар хагасаас Улаанбаатар хотод Евро 5 стандартын шатахуун хэрэглэх шийдвэр гаргасан бөгөөд уг шийдвэрийг холбогдох байгууллагууд хамтран хэрэгжүүлэх шаардлагатай талаар мэдээлсэн юм.
