fbpx

Б.Баатархүү: Нас барсан хүүхдүүдийн хоёр нь ах дүүс байсан


Үндэсний цэцэрлэгт хүрээлэнгийн урд хэсэг, Туул гол дагуух Маршалын гүүрнээс зүүн талд өчигдөр орой дөрвөн хүүхэд тогтоол усанд живж харамсалтайгаар амиа алдсан хэрэг гарсан. 

Тус газар нь “Ханталст” ХХК-ийн эзэмшлийн газарт цүнхээл ус тогтсон байсан бөгөөд Дэнжийн мянгаас хүүхдүүд тоглох гэж очоод дөрөв нь эндсэн юм. 

Энэ хэргийн талаар ЦЕГ-ын Хэвлэл мэдээллийн төвийн дарга Б.Баатархүү мэдээлэл өгөв.

Тэрбээр “ Амь насаа алдсан дөрвөн хүүхэд 11-15 насны хүүхдүүд байсан нь тогтоогдсон. Хоёр нь нэг айлын хүүхдүүд байсан. “Ханталст” ХХК-ийн барилгын суурийг ухсанаар тогтоол ус үүссэн тус газарт хүүхдүүд тоглож байхдаа живж амь насаа алдсан. Энэ хэргийг Баянзүрх дүүргийн цагдаагийн хэлтэс дээр хэрэг бүртгэл нээгээд мөрдөн шалгах ажиллагаа явуулж байна. Гурван хүүхэд ус руу орж живж эхлэх үед нь ах нь дүүгээ аврах гэж араас нь орон амь насаа алдсан байна.

Энэ асуудал дээр ААН, иргэн бүр хаана хаана анхаарах хэрэгтэй. Урин дулааны цаг ирж байгаа тул хүүхдүүдээ хараа хяналтгүй гол ус руу явуулахгүй байхыг анхааруулж байна” гэв. 


Энэ мэдээ таалагдаж байвал:


  • Зочин · [119.40.103.3] · 2020/05/28

    хөөрхийдөө хөөрхий минь хайран хүүхдүүд. новшнууд хууль бусын мэдсээр байж хааж байхгүй үхсэнээ хийж байсан байнаа одд гэнэт хууль бус байсан гэж хуцалдаж яаана бүгд зайлаарай лалрууд. та нарыг ийм юмнуудыг цэгцэл гэж татвар төлөгчдийн мөнгөөр цалинжуулдаг новшнуудаа