О.Дөлгөөний ар гэрийнхэн өнөө орой АНУ-ыг зорино


Оюутны лигийн аварга шалгаруулах NBA-гийн финалын тоглолтыг үзэхээр энэ сарын 12-нд АНУ-г зорьсон Монголын сагсанбөмбөгийн шигшээ багийн тамирчин О.Дөлгөөн гэнэт бие нь муудаж элэгний дутагдал оноштойгоор Лас Вегас хотын эмнэлэгт хүргэгдэн эмчлүүлж байгаа юм. 

Одоогоор биеийн байдал нь муу байгаа учраас эмчилгээний зардал болон элэг шилжүүлэн суулгах хагалгааны төлбөрийг цуглуулахаар хандивын аян өрнүүлээд байгаа.

Тэгвэл түүний ар гэрийнхэн буюу  аав ээж нь өнөө орой АНУ-ыг зорихоор болжээ. Тэдний визний зөвшөөрөл өнөөдөр өглөө гарсан бөгөөд оройны нислэгээр Америк улсыг зорих аж. 

Хэдийгээр маш олон хүн хандивын аянд нэгдэж, дэлхийн өнцөг булан бүрээс сайхан сэтгэлийн хандив тусламж илгээсээр байгаа ч эмчилгээний зардалд шаардлагатай мөнгө нь бүрэн цуглаагүй байгаа юм байна. Учир нь зөвхөн элэг шилжүүлэн суулгах хагалгаанд 300-350 мянган ам.доллар шаардлагатай байгаа аж. Мөн одоо хийгдэж байгаа эмнэлэгийн төлбөр, эмчилгээний зардал ойролцоогоор ганцхан өдрийнх 15 мянган ам.долларт хүрч байгаа юм байна. 

Тиймээс О.Дөлгөөнд туслах аянд нэгдэхийг нийт Монголчууддаа уриалж байна.

Хандивын данс: Хаан банк 5721081225
        Хүлээн авагч: Л. Очбадрах
        Холбогдох утасны дугаар: 99158191, 94028191

 


Энэ мэдээ таалагдаж байвал: