Мөрөөдлийн театрын "Галзуу хот" өдөр бүр 19.00 цагаас МҮЭСТО-ны тайзнаа тоглогдож байна.
Тоглолтыг үзсэн үзэгчид тоглолтын талаарх сэтгэгдлээ цахим орчинд өөрийн нүүр номондоо нийтэлж, үзээгүй хүмүүсийг үзэхийг уриалсаар байгаа юм.
Тодруулбал, нэгэн үзэгч өөрийн нүүр номондоо, "МӨРӨӨДЛИЙН ТЕАТР"-ЫН ГАЛЗУУРАМ "ГАЛЗУУ ХОТ"-ыг үзсэн сэтгэгдлээ сийрүүлэн тэмдэглэе. Үзэгч бүртэй миний бодол нийцэхгүй байх. Угаас нийтээрээ нэг өнцгөөс харж, нэг ойлголтод нэгдэн нийцэмгүй, октагон шиг олон талт бүтээлийг "Мөрөөдлийн театр"-таа тэд нээчхэж! Галзуурсан залуусын зориг нь гайхмаар бас аймаар! Кино найруулагчаараа, жүжиг зохиолчоороо овоглогддог. Иймд хэний зохиол бол? гэдгээс эхлээд өнгө төрх, баг бүрэлдэхүүн, уран бүтээлчдийн арга ажиллагаа гээд үндсэн "мөлжүүр"-ийг нь орхиё. Үзэгчдэд энэ тийм ч чухал байдаггүй нь харамсалтай. Өнгөцхөн наагуур нь ярья. Хонх цохиж хөшиг нээхээс л миний мэдэх Мөрөөдлийн театр анх байгуулагдсанаасаа хойш хувьсаж хувирч чадаж уу?, одоо энэ хошин урлагийн олон продакшнуудаас яг юугаараа ялгарах юм?! гэсэн хүлээлт бас чиг басамжлал байсныг нуухгүй. Учир нь хэдхэн ах нарын хорь гаруй жил тариалсан талбайд өнөөх л "Нэр муутай, нөлөө ихтэй хошин шог"-ийг тоглох хэцүү. Гэж бодож эхлүүллээ. Сайхан хүүхнүүдийн секси бүжиг... Анх "Аim4r dance"-ийн бүжгийн зааланд хальтхан харж байсан дэглэлт мөн шиг..." хэмээн нийтэлжээ.