Ерөнхийлөгч Засгийн газрыг яаж ташуурдах гээд байна вэ


Ерөнхийлөгч он гарсаар иргэдтэйгээ уулзаад зав зай муутай явна. Энэ уулзалтынхаа тухайд “Иргэдээ сонсдог Ерөнхийлөгч байна гэсэн амлалтаа хэрэгжүүлж, утааны асуудлыг мартагдуулахгүйн тулд Улаанбаатараас уулзалтаа эхлүүлж байна” гэдгээ илэрхийлсэн. Ийм уулзалтуудаа цаашид орон нутагт үргэлжлүүлэх аж. Өнгөрөгч амралтын өдөр Чингэлтэй дүүргээс эхэлсэн уулзалт ажлын эхний өдөр Сүхбаатар дүүргийн иргэдтэй хийсэн уулзалтаар үргэлжилсэн юм.

Энэ цуврал уулзалтууд дээр Ерөнхийлөгч юуны тухай ярьж явна вэ. Шинэ сэргэг, өлгөж аваад өөд нь татчихмаар ямар сэдэв байна вэ гэхчлэн  иргэд сониучирхаж байгаа нь тодорхой. Мэдээж асуудал Монголын тухай, тэр дундаа хөгжлийн боломжийн талаар  чамгүй цаг хугацаа зарцуулж ярьсан гэдэг нь тодорхой байна.  Өөрийнх нь хэлснээр Улаанбаатарын утаа болон УИХ-ыг тараах, Засгийн газрыг ташуурдах, цааш дагуул хот, аялал жуулчлал,  ажлын байр гэхчлэн хөвөрчээ.         

Өмнөх оны эцсээр Ерөнхийлөгч дээрхи асуудлаар байр сууриа идэвхтэй илэрхийлж эхэлснийг санаж байгаа байх. Ялангуяа утааны асуудлыг хоёр сарын дотор шийдэж чадахгүй бол УИХ-ыг тарааж, Засгийн газрыг огцруулах санаачлага гаргана гэдгээ илэрхийлж байсан. Одоо тэр санаагаа иргэдтэй хийх уулзалтаар үргэлжлүүлж, олны анхаарлыг энэ зүгт дахин эргүүлэхээр хичээж байгаа нь энэ байх. Ер нь УИХ-ыг тараах тухай ярьдаг, мөрөөддөг хүн мэр сэр бий. Гэхдээ иргэдийн төлөөллөөр сонгогдож байгуулагдсан хууль тогтоох институцыг хэн нэгэн ярьж уриалаад тараачихдаг зүйл биш. Тэр дундаа Ерөнхийлөгч ч ялгаагүй..

Ерөнхийлөгчийн парламентыг тараах эрх мэдэл шүдгүй арслан лугаа  учраас үүнээс бэргэж цэрвэх  эсвэл  хөгжөөн дэмжиж хөөрцөглөхийн аль аль утга учиргүй.    

Иргэдээ сонсдог Ерөнхийлөгч байх имиж бүрдүүлэхдээ энэ асуудлаар олон нийтийн дэмжлэгийг хүлээх, тэдний санаа бодлыг улс төр рүү хөлбөрүүлж, “хоёр туулай намнах” боломж  эрх баригчдын эв түнжин суларсан ийм  мэдээж байж таарна.

Тэрбээр Чингэлтэй, Сүхбаатар дүүргийн иргэдтэй уулзах үеэрээ Засгийн газрыг “баруун талын хар овоохойгоор” нэрлэв. Багш нарт 55 тэрбум төгрөгийг бодлоггүйгээр тараалаа, татвар нэмсэн,  шатахууны үнэ өсгөсөн гэхчлэн буруутгав. Иймийн учир Засгийн газрыг өнөөдрөөс эхлэн  иргэдтэйгээ хамтран ташуурдах хэрэгтэй байна гэдгийг дахин дахин сануулжээ. Мэдээж энэ бол, шинэ сануулга биш. Гүйцэтгэх засаглалд ташуур хэрэгтэй юу гэвэл хэрэгтэй. Харин юун дээр нь яаж ташуурдах вэ гэдгийг бодолцох ёстой.  Иргэдийн ташуур шударга, улс төрөөс ангид байх учиртай. Тэр буруутгаад байгаа татвар, үнэ ханш гэдэг бидний хүсэл зоригоос заримдаа дөлж шилрээд байдаг зовлонтой асуудал. Энэ удаад дотоод гэхээсээ илүүтэй гадаад хүчин зүйлээс  шалтгаалсан. Тэр бүх шийдвэр мэдээж ОУВС-тай холбогдоно.

Ташуурдах ёстой нэг асуудал нь  утаа мөн. Утаа бол ярих ёсой сэдэв, ярьсаар ч ирсэн, бас ярих нь дэндчихээд байгаа асуудал. Ерөнхийлөгчийн хувьд утааг шийдэх нэг гарцыг дагуул хот байгуулах явдал гэж тодорхойлж байгаа. Үүнтэй санал нийлэх хүн олон ч энд Ерөнхийлөгчийн бизнесийн эрх ашиг  сэм хавчуулагдаж байна гэж харах бас нэг өнцөг байгаа юм.  Тиймдээ ч дагуул хотын асуудлыг дахин дахин сануулахдаа утааны асуудлаар далдалж, цаана нь өнгө будаг тавьж байна гэж  хардах эрх иргэдэд бий.

Хэдэн жилийн өмнөөс сураг гараад байгаа Богд уулын өвөр бэл дэх Майдар хотхон бол Ерөнхийлөгчийн үүсгэн байгуулсан төсөл. Бас Яармаг хороолол ч түүний нэртэй холбон яригддаг. Чингэлтэй дүүргийн иргэдтэй уулзах үеэрээ тэрбээр “Богд уулын өвөрт Шинэ нисэхтэй холбоотойгоор дагуул хот байгуулж, нэг метр квадрат нь нэг сая орчим төгрөгөөр зарагдах орон сууц барих боломж байна” гэсэн бол Сүхбаатар дүүрийн иргэдэд “Хотод 1.3 сая хүн амьдарч байна. Энэ их ачааллыг дахин төлөвлөхөд хэтэрхий эрсдэлтэй. Тиймээс Улаанбаатар хотыг түшиглээд дагуул хот байгуулах тухай асуудлыг би хөндөн ярьж байгаа. Дагуул хотууд байх газарт зарим яамд, их, дээд сургууль, Элчин сайдын яамдыг гаргая гэж байгаа юм” гээд Батлан хамгаалах  болон Гадаад харилцааны яамыг цохон нэрлэсэн тухай яригдаж байгаа. Монгол төрийн бодлогын хоёр яамыг ийнхүү цохон нэрлэхдээ хэлье гэж хэлсэн үү, хэл нь хальтираад хэлчихсэн үү, бүү мэд.  Аливаа улсын элчин сайдын яам гэдэг тухайн улсын нийслэл хотод нь байрладаг.  АНУ-ын Ерөнхийлөгч Д.Трамп Иерусалимыг Израйлийн нийслэлээр хүлээн зөвшөөрүүлэхийн тулд ЭСЯ-аа тийш нь шилжүүлснийг санаж байгаа байх. Хэрэв Ерөнхийлөгчийн хэлснээр яамд, Элчин сайдын яамдыг аль нэг дагуул хот, тухайлбал Майдар хотхонд төвлөрүүлбэл Монголын нийслэл Улаанбаатар хэвээр байх уу гэдэг нь  бүдэг бадаг болоод явчих юм шиг.

Ерөнхийлөгч дээрхи уулзалтын үеэр  эрэгтэй эмэгтэйгүй цэргийн алба хаадаг болоё. Цэргийн хугацааг гураван жил болгож, бүтээн байгуулалтад оролцуулдаг байх тухай санаачлага гаргажээ. АН-ыг эрх барьж байх үед УИХ-ын гишүүн байхдаа 10 мянган цэргээр төмөр зам бариулах санаачлага гаргаж, Э.Бат-Үүлд цэргийн коммунизмыг байгуулах гэлээ, Сталин Гитлер нарыг сүнсийг босгож ирлээ хэмээн чичлүүлж байсан удаатай.  Тэр санаа одоо ч үргэлжилж, цэрэгжсэн эдийн засгийг мөрөөдсөн хэвээр байгаа бололтой.

Ерөнхийлөгч Засгийн газрыг ташуурдаж эхэлнэ, үүндээ иргэдээс дэмжлэг хүсч байгаагаа тодоос тод  илэрхийлсэн. Ингэхдээ  юуны тулд, ямар зорилгын төлөө ташуурдахаа энэ мэт санаануудаараа илэрхийллээ. Тухайлбал, дагуул хот, зарим яам, ЭСЯ, их дээд сургуулийг тийш нь нүүлгэх, аялал жуулчлалын бэлэн байгаа төслүүдийг хөдөлгөх,/Хаана, хэнд байгаа нь тодорхойгүй/ Богд уулыг тойрсон төмөр зам, цэргийн албыг  3 жил болгох гэхчлэн  нэрлэж болохоор байна.

М.Нэргүй


Энэ мэдээ таалагдаж байвал:


  • Nergui · [103.57.94.104] · 2018/01/27

    Ahmaduud tuuniig toirson humuus yamar duugarah bish ehleed temtsej sur daraa ni gomd


  • Nergui · [103.57.94.104] · 2018/01/27

    Manai ard tumen heterhii hultsengui duugai,niigem uls turiin idevhi sul tiimees .C.Bayar metiin hulgaich luivarchid duraaraa avirlaj bn sh dee


  • Njuty · [117.102.187.40] · 2018/01/21

    Улс төрийн тогтворгүй байдалд өөрөө манлайлан уриалах эрх байхгүй. Цэцэд нэг иргэн хандахад эв нэгдлийг хангагч байж чадаагүй үндэслэлээр өөрөө түрүүлж огцрох үндэс бүрдэнэ. Энэ бүтэхгүй гар юм аа.


  • Зочин · [66.181.187.147] · 2018/01/21

    ahmadiin tetgeveriig ue shattai dahij heze nemehin


  • Зочин · [66.181.187.147] · 2018/01/21

    eronhiilogchoo ahmaduudiin tetgeveriig 27-hon myangan tgrogoor nemj bga ni uneheer setgel dunduur bna aa ahmaduud hongolttei emee ch avch hurehgui mongo shu de uun deer ta ugee helj ogcooch ee MAN nam ahmaduudiin tetgeveriig ue shattai nemegduulne gej amalsan shu de 2020 onoos naana ahmaduudiin tetgeveriig dahij nemuuleh heregtei


  • irgen · [202.70.34.115] · 2018/01/17

    Eronhiilogch oo demjij bna aaaaaaaaaaaa Mongol yalna a