АНУ-ын зоос үйлдвэрлэгч байгууллага ирэх долоо хоногт гүйлгээнд гаргах шинэ зоосон тэмдэгтдээ анх удаа Ази гаралтай Америк хүнийг дүрсэлжээ.
Уг хүн нь Холливүүдийн жүжигчин агсан Анна Мэй Вонг юм байна.
Вонг Лю Цон хэмээх жинхэнэ нэртэй Вонг нь 1905 онд Лос-Анжелес хотод төрсөн хүн юм.
Тэрбээр 1919 онд 14 настайдаа “Улаан дэнлүү” хэмээх анхны кинондоо туслах дүр бүтээж байжээ. Анхны гол дүрээ 1922 онд бүтээгдсэн “Далай тэнгисийн төлбөр” киноноос авч байв.
Вонг уран бүтээлийн замналынхаа туршид нийтдээ 60 гаруй кинонд дүр бүтээжээ.
Хэдийгээр Холливүүдэд алдаршсан ч Вонг арьс өнгөөр ялгаварлах үзлийн золиос болж, олон гол дүрийн шалгаруулалтаас хасагдаж, бусдаас бага цалин хөлс авдаг байсан гэдэг.
Холливүүдээс гадуурхагдсан тэр сүүлд Европт уран бүтээл туурвиж, Лондон, Нью-Йоркийн театруудад ажиллаж байсан юм.
Тэрбээр 1961 онд нас барсан байна.
#OTD in 1951, Anna May Wong made history as the first Asian American to lead a U.S. television series, The Gallery of Madame Liu-Tsong. In the show, Wong played a gallery owner and detective. Learn more about Anna May Wong and #HerQuarter at https://t.co/hZk5aZA9N8. pic.twitter.com/2FKlfGVPIj
— United States Mint (@usmint) August 27, 2022
“American Women Quaters Programme хөтөлбөрөөс санаачилсан тав дахь зоос Анна Мэй Вонгийн дурсгалд зориулагдаж байна. Тэрбээр Ази гаралтай Америкчуудыг дэлгэцийн уран бүтээлд гаргаж ирэхийн төлөө зоригтой тэмцсэн хувь хүн юм” гэж US Mint байгууллагын захирал Вэнтрис Гибсон мэдэгджээ.
Уг хөтөлбөрийн хүрээнд гаргасан цуврал зооснууд дээр зохиолч, иргэний хөдөлгөөний зүтгэлтэн Майя Энжелоу, Америкийн анхны эмэгтэй сансрын нисгэгч Сэлли Райд нарыг бас дүрсэлсэн юм.
Эх сурвалж: Reuters