ХКН-ын Ерөнхий нарийн бичгийн дарга асан 79 настай Ху Жинтаог намын 20 дугаар их хурлын төгсгөлд Ши Жиньпин хаалтын үг хэлэхийн өмнөхөн хурлын танхимаас гаргажээ.

Ху Жинтао Ши Жиньпиний зүүн талд сууж байсан. Энэ үеэр намын ёслолын ажиллагааг хариуцдаг гол "зохион байгуулагч" Ван Хунин, Ли Жаншу нар түүнд хандсан байна. Тэд экс ерөнхий нарийн бичгийн даргатай ямар нэг зүйлийг ярьж эхлэв. Гайхсан Ху Жинтао толгойгоо сэгсрэн хажууд нь суугаа Ши рүү ямар нэг юм хэлэхийг оролдож байгаа харагдавч хоёр түшмэл түүнийг авч гарах гэж оролдож байв. Бүр нэг нь экс Ерөнхий нарийн бичгийн даргыг бэлхүүсээр нь тэвэрч суудлаас нь өргөх гэж оролдсон. Эцэст нь тэд Ху даргыг чуулганаас гарахыг ятгаж чадсан. түүнийг дагуулан гарч буй бичлэг тархаад буй.

Харин энэ талаар ОХУ-ын ШУА-ийн Хятад, Азийн хүрээлэнгийн захирал Александр Лукин “Их хурал дээр юу болсон талаар баттай мэдээлэл байхгүй учраас бид зөвхөн таамаглаж л байна” гэжээ. Түүний хэлснээр:

“Эхний бөгөөд хамгийн тод хувилбар бол ХКН-д Ши Жиньпинийг эсэргүүцэгчдийг удирдаж түүнийг гурав дахь удаагаа даргаар дахин сонгогдохын эсрэг байсан Ху Жинтаог олон нийтэд нэр хүндийг нь унагах оролдлого юм. Ху Жинтао танхимаас гарахдаа Улс төрийн товчооны гишүүн Ли Көцяны мөрөн дээр алгадсан. Магадгүй тэр түүний нэр дэвшихийг нь дэмжиж байсан байх. Эсвэл тэр Ши-гийн эсрэг үг хэлэхийг хүсч байсан, тиймээс тэр боломжийг нь хаасан байж магадгүй юм" гэж Лукин тэмдэглэв.

Шинжээчийн үзэж байгаагаар Ху Жинтао өөрөө юу болоод байгааг ойлгоогүй нь хурлыг орхихоос татгалзсан байдлаас нь харагдаж байна.

“Хоёр дахь хувилбар нь Ху-г эрүүл мэндийн шалтгаанаар авч явсан гэж мэдээлж буй. Тийм ээ, тэр үнэхээр хурлыг орхиж явахыг хүсээгүй нь ойлгомжтой, гэхдээ хүн сэтгэл санааны зовиуртай байдалд орсон үед ийм зан гаргаж болно. Гэсэн хэдий ч одоо энэ хувилбарт цөөхөн хүн итгэх болно" гэж Лукин тэмдэглэв.

Гурав дахь хувилбар нь процедурын алдааг зассан явлал гэж Оросын ШУА-ийн Хятад судлаач Иван Зуенко хэлэв. “Шуудхан хэлэхэд, Ху Жинтао байх ёсгүй газраа ирсэн. Учир нь тэр Их хуралд “хүндэт төлөөлөгч”-ийн хувиар оролцсон. Өөрөөр хэлбэл Намын байгууллагаас төлөөлөгчөөр сонгогдоогүй. Тиймээс намын зохион байгуулалтын ажилд оролцох шаардаггүй байсан байх "гэж шинжээч хэлэв.

Хурлын үеэр яг юу болсныг бид хэзээ ч мэдэхгүй байж магадгүй гэж Александр Лукин тэмдэглэв. "Ямар ч байсан Их хурлын гол үр дүн хүн бүрийн урьдчилан таамаглаж байсан тэр үр дүнд хүрч Ши Жиньпин гурав дахь удаагаа БНХАУ-ын даргаар дахин сонгогдлоо.

Эх сурвалж: АиФ