АНУ-ын Ерөнхийлөгч Дональд Трамп Крымийг Оросын нутаг дэвсгэр гэж хүлээн зөвшөөрөхөөс татгалзсан Украины ерөнхийлөгч Владимир Зеленскийг сүрдүүлжээ.
Тэрбээр ийм үгс нь "маш хор хөнөөлтэй" бөгөөд энэ нь Украиныг сүйрүүлэх болно гэж хэлжээ. Энэ талаар dialog.ua сайт мэдээлсэн байна.
Трамп энэхүү дуулиантай мэдэгдлийг нийгмийн сүлжээн дэх "Truth" албан ёсны хаягаараа дамжуулан хийжээ.
Трамп Будапештийн меморандумын дагуу АНУ-ын хүлээж авсан Украины нутаг дэвсгэрийн бүрэн бүтэн байдлын баталгааны үүргээс бараг татгалзсан бөгөөд тэрбээр Зеленскийг Крымийг Оросын нутаг дэвсгэр гэж хүлээн зөвшөөрөхгүй байгааг шүүмжилсэн байна.
Тэрбээр "Энэ мэдэгдэл нь Оростой хийж буй энхийн хэлэлцээрт маш их хор хөнөөлтэй.... Эдгээр өдөөн хатгасан мэдэгдлүүд нь энэ дайныг шийдвэрлэхэд маш хэцүү болгож байна" гэж мэдэгджээ.
Тэрээр Украин улс дайны өмнө Оросын флотыг Крымд байрлуулахыг зөвшөөрсөн бөгөөд 2014 онд Оросын түрэмгийлэл эхлэхэд түүнийг эргүүлэн авахыг оролдоогүй гэж хэлсэн байна.
Трамп Ерөнхийлөгч Зеленскийг Крымийг Оросын нутаг дэвсгэр гэж хүлээн зөвшөөрөх хүсэлгүй байгааг "онгирч" байгаа явдал гэж мэдэгдсэн бөгөөд тэрбээр "Түүнд онгирох ямар ч шалтгаан байхгүй! Украины нөхцөл байдал сүйрлийн байдалтай байна. Тэр энх тайвныг сонгох эсвэл улс орноо бүхэлд нь алдахаасаа өмнө дахин гурван жил тэмцэж чадна" гэж бичжээ.
Эх сурвалж: dialog.ua
Ж.Бат
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!