fbpx

“Энхсаран”-гаас халдвар алдагдсан хэрэгт хэн хэн татагдах вэ?


Монгол Улс дотооддоо коронавирусийн халдвар алдаад 10 гаруй хонож байна. ОХУ-аас орж ирсэн ачаа тээврийн Д Энхсаран сувилалд 21 хоног тусгаарлагдаад гэртээ гарснаас 4 хоногийн дараа халдвартай нь батлагдсан. Энэ нь сувилалд байх хугацаандаа халдвар авсан байх магадлалтай болж таараад байгаа.

Үүнийг батлах олон баримт олон нийтэд ил болоод байна. Энхсаран сувилал халдвар хамгааллын дэглэм сахиагүй, хулгана, бясаа зэргээр орчны бохирдол ихтэй, тусгаарлагдаж байсан иргэд дундаа нийтийн душтэй. Тусгаарлагдаж байсан иргэд нэгнийхээ өрөө тасалгаагаар орж гарсан зэрэг ноцтой зөрчлүүд ЭМЯ-ны удирдлагын хурал дээр яригдсан байдаг.

Тэр ч үүднээс Энхсаран сувилал дээр халдвар алдагдсан асуудлыг шалгаж эхлээд байгаа юм. Тодруулбал, ЭМЯ-наас гаргасан гомдлын дагуу Мөрдөн байцаах албан дээр шалгалтын баг бүрдэн ажиллаж эхэлснийг ЦЕГ-аас мэдээллээ.

Шалгах нь зөв. Гэхдээ зөвхөн Энхсаран сувиллын ажилтан албан хаагчийг шалгаад энэ асуудал зогсох ёсгүй. Ерөөс цар тахлын үеийн тусгаарлалтад сувилал, зочид буудлууд байр саваа ашиглуулж байгаа төдий. Харин дотоод зохион байгуулалт, хяналт, шинжилгээ горимыг мэргэжлийн байгууллагууд өөрсдөө хариуцах ёстой. Тийм ч хуультай. Тусгаарлалтын байр бүрийн гадна цагдаагийн байгууллага тусгай пост гарган хамгаалж байгаа. Дотор эмнэлэг, халдвар хамгааллын ажилтнууд үүрэг гүйцэтгэж байсан. Тусгаарлалтыг хэрэгжүүлэх үүргийг сувилал бус мэргэжлийн хүмүүс хариуцах байсан. Тиймээс энэхүү шалгалтын ажиллагаа зөвхөн сувиллын хүрээгээр тогтохгүй цагдаа цагдаагаа, тагнуулыг, УОК, ЭМЯ, ХӨСҮТ зэрэг өргөн хүрээнд өрнөх учиртай.

Эх сурвалж: shuurhai.mn Г.ОЧИР


Энэ мэдээ таалагдаж байвал:


  • Зочин · [103.57.94.161] · 2020/11/23

    Сарангэрэл буруутай. Шаардлага хангахгүй газрыг санал болгосон


  • Зочин · [103.229.122.39] · 2020/11/23

    УОК маш хариуцлагагүй, муу ажилласнаас болж халдвар тархаж улсаас онц их хэмжээний зардал гаргахад хүргэсэн. Өөр буруутан байхгүй


  • Zochin · [202.126.90.14] · 2020/11/22

    Haldvar taraasan zalyygiin byryy. Tur avdag arga hemjeegee avsan . Ter uuriiguu hyanah bsiim


  • зочин · [203.91.118.150] · 2020/11/21

    Тусгаарлалтанд байсан иргэдийг өрөө өрөөнд нь байлгаж байх ёстой хүмүүс,


  • Зочин · [64.119.16.227] · 2020/11/21

    Согий Сугий хоёрт хариуцлага тооц


  • Зочин · [64.119.21.29] · 2020/11/21

    zuv zuv bugded n hatuu hariutslaga tootsoh heregtei