"Оюу толгой" гэрээг Монгол Улсад ашиггүй хийсэн, гэрээг хийх явцад албан тушаалаа урвуулан ашигласан гэх олон зүйл ангиар Монгол Улсын төрийн томоохон албан тушаалтнууд шалгагдаж эхэлсэн билээ. Мөрдөн байцаалтын ажиллагаа нэлээд олон жил үргэлжилсний эцэст Ерөнхий сайд С.Баяр, Сангийн сайд С.Баярцогт тэргүүтэй 10 орчим хүн өнгөрсөн онд шүүхээс ял сонсов.
Монгол Улсын Засгийн газар, олон улс дамжсан корпораци хоорондын гэрээ, төрийн өндөр албан тушаалтнуудын хэргийг шалгахад амаргүй байсан талаар прокурорын байгууллага онцолж байна.
Жишээлбэл, 460 гаруй хавтастай Оюу Толгой компанитай холбоотой хэрэгт гурван прокурор хяналт тавин ажилласан. Хавтас бүр нь 250 хуудастай уг хэргийг шийдвэрлэхэд ажил амралтын өдрийг алгасалгүй ажиллахад гурван сарын хугацаа зарцуулсан хэмээн өнөөдөр УЕПГ-аас мэдэгдэж байна.
Өөрөөр хэлбэл, С.Баяр, С.Баярцогт нарын холбогдсон “Оюу толгой”-н хэрэг 460 хавтастай хэрэг шалгагдаж ийнхүү шүүхээр шийдвэрлэгджээ.
Эх сурвалж: shuurhai.mn Г.ОЧИР