“ШИНЭ БҮТЭЭН БАЙГУУЛАЛТ” ХӨТӨЛБӨРИЙГ ДҮГНЭХ ХЭЛЭЛЦҮҮЛЭГ БОЛЛОО

Улстөр / Ерөнхийлөгч
2019/03/28

Өнөөдөр УИХ-ын Тамгын газар, ЗГХЭГ, Үндэсний хөгжлийн газар болон УИХ-ын гишүүн С.Бямбацогтын ахалсан Ажлын хэсэг хамтран Төрийн ордонд “Шинэ бүтээн байгуулалт дунд хугацааны зорилтот хөтөлбөрийн үнэлгээ, цаашид авах арга хэмжээ” сэдэвт нээлттэй хэлэлцүүлэг хийлээ.

Өнгөрсөн хугацаанд төрөөс 517 төрийн бодлогын баримт бичиг гаргасан ч өнөөдөр дөнгөж 132 нь хүчин төгөлдөр хэрэгжиж байна.

            Тэгвэл энэ дундаас 2010 онд УИХ-аас баталсан Шинэ бүтээн байгуулалт дунд хугацааны зорилтот хөтөлбөр Монгол улс ардчилсан нийгэмд шилжсэн өнгөрсөн 30 жилийн хугацаанд хэрэгжсэн хамгийн том, бас хамгийн бодитой хөтөлбөр хэмээн дүгнэж болно.

"Шинэ бүтээн байгуулалт" хөтөлбөрт туссан Улаанбаатар хотыг аймгийн төвүүдтэй холбосон 5572 км авто зам барих, "100 мянган айлын орон сууц" барих зэрэг томоохон зорилт үндсэндээ бүрэн хэрэгжээд байгаа юм.

Хэдий тийм ч хөтөлбөрт туссан Монгол улсын хэмжээнд бүтээн байгуулалт өрнүүлэх, хүн амын орон сууцны хангамжийг нэмэгдүүлэх, иргэдийг ажлын байраар хангах замаар улсын хэмжээнд тулгараад байгаа эдийн засаг, нийгмийн бэрхшээлтэй асуудлуудыг цогцоор нь шийдэх зорилт бүрэн хэрэгжиж чадаагүйг хэлэлцүүлэгт оролцогчид онцолж байлаа.

Хэлэлцүүлгийн үеэр УИХ-ын даргын захирамжаар байгуулагдсан “Шинэ бүтээн байгуулалт” дунд хугацааны зорилтот хөтөлбөрт үнэлгээ хийж, Засгийн газарт чиглэл өгөх Ажлын хэсгийн ахлагч С.Бямбацогт  “Хэдийгээр хөтөлбөрт туссан орон сууц, авто зам гээд том зорилтууд биелэгдсэн ч тэрэнтэй уялдаатай бусад зорилтууд хэрэгжилгүй орхигдсон  Тухайлбал агаар хөрсний бохирдлыг бууруулах хүрээнд хийгдэх ёстой байсан гэр хорооллын янданг цөөлөх, утаа бууруулах асуудал хаягдсан. Эрчим хүчний 5 дахь эх үүсвэрийг барьж ашиглалтад оруулах зорилт цаасан дээр үлдсэн” гэдгийг хэлсэн юм.

Тиймээс гэр хорооллыг нэн тэргүүнд дэд бүтэцтэй болгох, гэр хорооллын айл өрхийг дэд бүтэцтэй өртөг нэмэгдсэн газраа барьцаалан орон сууцтай болох, орон сууцны зээлд хамрагдах бололцоогоор ханган амины орон сууц барих төсөл хэрэгжүүлэх зорилтыг ойрын хугацаанд ажил хэрэг болгох ёстой талаар онцоллоо.  Мөн хотын суурин газрын ногоон байгууламжийг нэмэгдүүлэх, төвөөс алслагдсан, хөгжлөөр сул бүс нутаг, аймгуудын эдийн засаг, нийгмийг хөгжүүлэх төсөл боловсруулж, хөрөнгө оруулалтыг тэнд түлхүү хуваарилах талаар ажлаа эрчимжүүлэхийг тус Ажлын хэсгээс Засгийн газар чиглэл болгохоор төлөвлөөд байгаа юм.

 Мөн иргэдэд бүс нутгийн нэмэгдэл олгох, банк, санхүү, татвар, зээлийн бодлогоор дэмжих,  шилжилт хөдөлгөөнийг сааруулахын тулд аймаг, бүсийн тулгуур төвийг хүн амын таталцлын төв болгон хөгжүүлэхийг зорьж байгаа юм.  

“Шинэ бүтээн байгуулалт” хөтөлбөрийг хэрэгжүүлэхдээ чухам хаана алдав гэдгээ мэдсэнээр алдаа онооноос сургамж авч, ажлаа эрчимжүүлэх боломж бүрдэнэ гэж үзэж байна.

Түүнчлэн Монгол улсын урт хугацааны хөгжлийн бодлогын ойрын хараа болсон “Тогтвортой хөгжлийн үзэл баримтлал-2030”-д туссан зорилтыг бүрэн дүүрэн хэрэгжүүлэхэд “Шинэ бүтээн байгуулалт” хөтөлбөрт үнэлгээ өгч, цаашид авах арга хэмжээг тодорхойлсон энэ удаагийн хэлэлцүүлэг чухал ач холбогдолтой хэмээн дүгнэж байгаа юм.

 

Энэ мэдээ таалагдаж байвал:

Сэтгэгдэл 7
Шуурхай.мн сайтад сэтгэгдэл нийтлэхэд анхаарах зүйлс
  • zochin · [64.119.21.246] · 2019/04/02

    ed nariig songoson ni mongol hugjliinhuu eriin ued orloo

  • Зочин · [103.57.94.165] · 2019/03/30

    Хоосон чалчигчид ээлжид дэмий мөөрөлдлөө хийв үү дээ. Төвлөрсөн төлөвлөгөө улсын хөгжлийг чиглүүлэх, зохицуулах арга байсныг үгүй хийсний хариу нь Монгол улсыг улам доройтуулж байна. Харин төвлөрсөн төлөвлөгөөгөөр Хятад дэлхийн тавцанд гарч ирлээ.

  • Зочин · [65.19.167.132] · 2019/03/29

    ene zavaan byambatsogt-yn ochij naaldsan buhen uruudaa ordog muu haya hog shuu. ulaan sarnain barsboldyg doloogoo l bsn, ter baahan baitsaagdaad martagdsan, enhbayart naaldaa l, bugsii ni doloogood l yavaad bsn ter shoron shaasan, daraa ni elbegdorjiin ulyg doloogoo l, songuulid ni asar undur undur handiv uguud l ahaa, geel bugs doloogood bsn, ter odoo yaj baigaag ta nar harj baigaa baih. ene parazityg hajuudaa oirtuulsan tomchuud yer ni uruudan yorool ruu l yavdag. sejgiin buzar baigaa biz ...

  • Зочин · [185.220.101.33] · 2019/03/29

    oo naadah chini baahan tender shaaj haltuurdaad tuuniigee buteen baiguulalt bolgon zarluuldag yum. Tavisan zam sar bololgui tam bolj, bosgoson shon ni ayasyn salhiar l unaad ugdug "buteen baiguulagch" daa ... hahaha

  • Зочин · [66.181.176.119] · 2019/03/29

    ENE BYAMBATSOGT SAYAHAN ELBEGDORJ AHIINHAA GEREER L ERGELDEED BAISAN HEDIIDEE AJIL MAJIL YARIAAD UNAVAAAAA

  • zochin · [64.119.21.246] · 2019/03/29

    Yu buteej giiguulsen yum boldoo? buteen baiguulalt geed baih yum haana bna ter buteen baiguulalt?

  • Зочин · [185.220.102.4] · 2019/03/29

    uuriiguu magtuulj bichuuleh don shugelsen, tenderchin, avilgach, hulgaich, gemt hergiin hamtragch haitsailagch alia salbadai bolson sugsulzuur byambatsogt unenii shuuhees sugarch uldeh yosgui shuu