Улсын дээд шүүхийн Эрүүгийн хэргийн танхим өнөөдөр томоохон хэргүүдиийг хэлэлцэж эхэллээ. Тодруулбал, Жаст группийн ерөнхийлөгч асан Ш.Батхүү, Сангийн сайд асан С.Баярцогт, УИХ-ын гишүүн, Бишрэлт группийн ерөнхийлөгч Б.Ундармаа нарын авлига, албан тушаалын хэргүүдийг хянах аж.
Эдгээр холбогдогчид нийгэм улс төрд томоохон хэрэгт холбогдож улсад онц их хэмжээний хохирол учруулсан байдаг. Ш.Батхүү гэхэд Эрдэнэт үйлдвэрийг Африкийн Стандарт банкинд барьцаанд тавьж 100 гаруй сая ам.доллар зээлсэн байдаг бол Б.Ундармаа өөрийн нэр бүхий компанийн нэр дээр ЖДҮХС-аас тэрбумаар яригдах зээл авсан. Харин С.Баярцогт Оюутолгойн гэрээг байгуулахдаа хувийн ашиг сонирхол оруулж улсад онц их хэмжээний хохирол учруулсан хэрэгт буруутгагдан анхан шатны шүүхээс ял сонсоод байгаа юм.
Одоогоор Ш.Батхүү, Б.Ундармаа нарын хэргийн шүүх хурал эхлээд байна.
Эх сурвалж: shuurhai.mn Г.ОЧИР
