Эрүүл мэндийн яамнаас коронавируст халдварын нөхцөл байдлыг танилцуулж байна.
ХӨСҮТ-ийн дэд захирал Ж.Байгалмаа мэдээлэл өглөө.
Тэрбээр “Өмнө нь Улаанбаатар хотын иргэдэд хийсэн шинжилгээнд эерэг эзлэх хувь хамгийн дээд тал нь 30 хувьд хүрч байсан.
Харин одоогоор Улаанбаатар хотод шинжилгээнд эерэг илрэх хувь буурч, 16 хувьд хүрлээ.
Өвчлөлийн тархалтыг харуулдаг үзүүлэлтүүд тогтворжиж байна.
Гэхдээ халдварын тархалтыг нэмэгдүүлдэг зүйл нь хүн амын хөдөлгөөнтэй холбоотойг мартаж болохгүй.
Өрөөр хэлбэл, иргэдийн хөдөлгөөн ихэсвэл тархалт нэмэгдэх эрсдэл бий" хэмээн ярив.
Иймд халдвар хамгааллын дэглэмээ сайтар мөрдөхийг тэрбээр сануулсан юм.