fbpx ТОКИО 2020: Израилийн бөхтэй барилдах болсноо мэдсэн Алжирийн жүдоч нэрээ татжээ
 
Энэ мэдээ хуучирсан буюу 2021/07/24-нд нийтлэгдсэн мэдээ болно.
Ангилал
Entertainment
Огноо
Унших
1 минут 40 секунд

ТОКИО 2020: Израилийн бөхтэй барилдах болсноо мэдсэн Алжирийн жүдоч нэрээ татжээ

Алжир улсын олимпын найдвар гэгдэж байсан жүдоч Израйль улсын бөхтэй таарч барилдах болсноо мэдсэний дараа тэмцээнээс нэрээ татжээ.

Нэрээ татсан Фетхи Нурин нь энэ жилийн Африк тивийн аварга юм байна. Тэрбээр тэмцээний оноолттой танилцаад эхний учраагаа ялбал хоёр дахь тойрогт Изралийн жүдоч Тохар Бутбултай барилдахаар байгаагаа мэджээ.

73 кг жингийн барилдааны эхний тойрогт Бутбул гоц мөргөж, Нурин нь Суданы бөхтэй барилдахаар таарсан байна. Эхний тойрогт учраагаа түвэггүй ялна гэж тооцсон Нурин ийнхүү тэмцээнээс өөрийн хүсэлтээр хасагджээ. Тэрбээр Палестинчуудын тэмцлийг дэмжиж байгаагаа илэрхийлээд Израйлийн бөхтэй барилдаж “гараа бохирлохгүй” хэмээн Алжирийн телевизийн сувагт ярьсан байна. Дасгалжуулагч Амар Бэн Яклиф тамирчнаа буруутгаагүй бөгөөд оноолт дээр “азгүйтсэн” гэж зөвтгөжээ.

Нурин 2019 онд Токиод болсон Жүдогийн Дэлхийн Аварга Шалгаруулах тэмцээнээс мөн ижил шалтгаанаар нэрээ татаж байсан гэнэ. Исламын шашинт орнуудын тамирчид хувийн үзэл бодол, улс төрийн шалтгааны улмаас томоохон тэмцээнд Израйлийн тамирчидтай өрсөлдөхөөс татгалзах явдал гардаг.

Баасан гарагийн орой болсон Токио 2020 наадмын нээлтийн ёслолын хөтөлбөрт 1972 оны Мюнхений олимпын үеэр Палестины террористуудын гарт алагдсан Израйлийн 11 тамирчин, дасгалжуулагчийн дурсгалыг хүндэтгэх ажиллагаа анх удаа багтсан юм.

Г.Ганхүү: Төрийн далбаа барьсан гээд хэн ч стадионоос хөөгдөөгүй
Г.Ганхүү: Төрийн далбаа барьсан гээд хэн ч стадионоос хөөгдөөгүй
 
У.Хүрэлсүх: Төр, засаг, хувийн хэвшил хамтрахын зэрэгцээ иргэн бүр эх оронч худалдан авагч байя
У.Хүрэлсүх: Төр, засаг, хувийн хэвшил хамтрахын зэрэгцээ иргэн бүр эх оронч худалдан авагч байя
Энэ мэдээ хуучирсан буюу 2021/07/24-нд нийтлэгдсэн мэдээ болно.

Шинэ мэдээ