УИХ-ын сонгуулийн жилтэй холбоотойгоор улстөрийн нам, хүчнүүд олон талын судалгаа хийжээ. Үр дүнд нь иргэд намуудад итгэхээ байж. Сүүлийн 30 жил ардчилал гэж цээжээ дэлдэж, иргэд, сонгогчдын төлөө хэмээж байсан намын гишүүдийг төрд илгээсэн тэдний түрийвч түнтийснээс иргэдийн тогоон дахь “хоолны хэмжээ, чанар" өссөнгүй, нэмэгдсэнгүй.
Тиймээс “Алтан Дорнод Монгол" компанийн ТУЗ-ийн дарга Т.Ганболд энэ удаагийн УИХ-ын сонгуульд бие даан нэр дэвшихээр болсон. Мэдээж өмнөх парламнетуудын туршлагаас харахад бие даагч хэмээн сонгогчдоос санал авч ялалт байгуулсан ч УИХ-ын гишүүн болмогцоо өөртөө ашигтай намын гишүүн болсон, эсвэл лоббидуулаад иргэдийн төлөө ганц үг дуугарч чадахгүй байсаар ирсэн.
Т.Ганболдын хувьд ганц бие даагч байж парламент дахь намын бүлэг, зөвлөлүүдэд “худалдагдахгүйн” тулд “УИХ-ын 2020 оны сонгуульд бие даан нэр дэвшигчдийн нэгдсэн платформ” байгуулахаар төлөвлөжээ. Ингэснээр бие даагчид нэгдсэн нэг мөрийн хөтөлбөр, зохион байгуулалттай, сурталчилгааны агуулгатай ажиллах юм байна.
Түүний хувьд өмнө нь Иргэний Зориг-Ногоон Намын дарга Ц.Ганхуягийн ахлах зөвлөхөөр ажиллах болж байсан. Харамсалтай нь ИЗНН МАХН, МУНН-тай хамтран "Та, бидний эвсэл" байгуулан УИХ-ын сонгуульд оролцохоор болсон. Тиймээс "Алтан Дорнод Монгол" компанийн ТУЗ-ийн дарга Т.Ганболд ИЗНН-ын даргын ахлах зөвлөхийн үүрэгт ажлаа өгөөд байгаа юм.
Түүнчлэн бие даан нэр дэвшигчдийн нэгдсэн платформд нэгдэх хүн нь боловсролтой, ёс зүйтэй, улстөрийн хүсэл эрмэлзэлтэй байхаас гадна олон нийтэд танигдсан, авлига, хээл хахууль болон гэмт хэрэгт холбогдолгүй байх ёстой зэрэг шалгуурыг эхний ээлжинд тавьж байгаа юм байна
Erennews.mn
