fbpx

ЗАСГИЙН ГАЗАР: Сайжруулсан түлшний үнийг 50 хувиар хямдрууллаа


Засгийн газрын ээлжит хуралдаан өглөө эхлээд байсан юм. Тэгвэл хуралдаанаас гарсан шийдвэрийг Ерөнхий сайд У.Хүрэлсүх мэдэгдлээ. Үүнд иргэд, аж ахуйн нэгжүүдийг дэмжих зорилгоор  хэд хэдэн арга хэмжээ авч байгаа аж.

  • Гэр хорооллын 220 мянган өрхөд сайжруулсан шахмал түлшийг 50 хувь хямдралтай үнээр буюу нэг тн-ыг 75 мянган төгрөгөөр 2020.12.03-ны өдрөөс 2021.04.01 хүртэл худалдана. Нийслэлчүүд өвлийн улиралд өдөрт 4,000 тн, сард 120 мянга орчим тн сайжруулсан түлш хэрэглэдэг.
  • 2021.07.01 хүртэлх хугацаанд зах, худалдааны төв болон худалдаа, үйлдвэр, үйлчилгээ, хувийн сургууль, цэцэрлэг, хүүхэд харах үйлчилгээний зориулалтаар байр, талбай түрээслүүлсэн албан татвар төлөгч түрээсийн төлбөрөө бууруулсан нь гэрээ болон төлбөрийн баримтаар нотлогдсон тохиолдолд бууруулсан хэмжээгээр түрээсийн орлогод ногдуулах аж ахуйн нэгжийн орлогын албан татварын хөнгөлөлтийг үргэлжлүүлэн эдлүүлнэ. УИХ-д өргөн мэдүүлнэ.
  •  Хугацаандаа төлөөгүй татварын алданги, торгуулийг 2021.07.01 хүртэл чөлөөлөхтэй холбоотой хуулийн төслийг УИХ-аар хэлэлцүүлнэ.
  • "Ковид-19" цар тахлын халдварын хүрээг хумихтай холбоотойгоор халдвар гарсан зургаан аймаг болон нийслэлд гурван тэрбум төгрөгийг Засгийн газрын нөөц сангаас гаргаж тусгаарлалт, халдваргүйжүүлэлт хийнэ.
  •  Халдвар гарсан аймгууд болон Гашуунсухайт, Шивээхүрэн, Цагааннуур, Эрээнцав, Замын-Үүд боомтод Засгийн газрын Ажлын хэсэг хяналт шалгалтыг эрс сайжруулах чиглэлээр ажиллаж байна гэлээ.

Эх сурвалж: shuurhai.mn Г.ОЧИР


Энэ мэдээ таалагдаж байвал:


  • Зочин · [202.55.191.194] · 2020/12/03

    Маш зөв шийдэл, яг хэрэгтэй хүмүүст нь тусламж очлоо


  • зочин · [66.181.161.96] · 2020/12/03

    өнөөдрийн өөхнөөс маргаашийн уушиг гэдгийг ерөнхийлөгчийн сонгуулиас хойш тодорхой харуулах арга хэмжээ боллоо энэ олон жил төрийн эрх мэдэлд зүтгэгсэдийн хувиа бодсон олон түмнээ хөсөр хаясан бодлогын үр дагвараас бий болсон уршигийг үе үеийн эрх мэдэлтэнүүдийн шийдэх гэж оролддог шийдлүүдийн нэг л харагдаж байна бүгдийг зүгээр авах зуршилтай болсон хүмүүсийн хувьд хараацгааж байгаа байх гэвч горыг нь удахгүй л амасдаг шүүдээ утаагүй түлш хөтөлбөрөө унагахгүй байх нэг алхам нөгөө талдаа иргэд авч дийлэхгүй байдалд орсон иймээс төрд бүр тодорхой хэлбэл татвар төлөгчдөд үүрүүлээд өнгөрөөх арга л даа үүнээс өөрөөр ковидийн хүнд үеийг туулах аргыг хайх хүсэл бага л байх шиг хотын дарга тэр орлогч нарынх нь хувьд яаж дөрвөн жилийг өнгөрөөндөө мах бэлтгэлээ ченжээс салга ард иргэдээ нүдэн дээрээ луйварчдад луйвардуулаад байж болдог юмуу орон нутаг бүрд ажиллах бүтээхийн төлөө насаараа яваа хүмүүсээ төрийн дарамтаасаа салгаад чөдөр тушаа болихоо больчих энэ хүмүүст дөрвөн жилийн хууралт биш нэг насны баталгаа хэрэгтэйг ойлгож хуулиа хий ждү мэтийн элдэв төсөл сангуудаар хэрэгждэг төр албан тушаалтан эрх мэдэлтэн шийддэг санхүүгийн эх үүсвэрүүдээ барьцаа баталгаа хяналтаа тавиад банкуудад актив бий болгоод хүүг нь хоёр гурван хувь руу дөхүүл сонгон шалгаруулалтыг хувийн хэвшлийн оролцоотой болго ажиллана гээд ам ангайж гарч ирсэн хойно ажиллаач ард олон чинь тэсэхгүй болох нь байна толгойдоо том эрх мэдэл тооцоолж хийдэг ажилууд чинь ардаа их үр дагвар бий болгох нь байна шүү эрхэмүүдээ улаанбаатар чинь улсын залгидаг мангас болох нь байна нэг нутагт мал нь даацаасаа ихэдвэл нутгаа бардаг наад уб чинь тийм болоод удлаа та нар тийм болгосон