Хулгайн гэмт хэрэг сүүлийн үед эрс нэмэгджээ


Цагдаагийн байгууллагаас гэмт хэргийн байдал, шалгалтын явц хэрхэн явагдаж буй талаар өнөөдөр мэдээлэл хийж, иргэдэд сэрэмжлүүлэг өглөө. Нийт гэмт хэргийн 40-өөд хувийг хулгайлах гэмт хэрэг, тэр дундаа автомашин хулгайлах гэмт хэрэг байгааг цагдаагийн байгууллага илрүүлж, шуурхай ажиллаж буйгаа мэдэгдлээ.2018 оны нэгдүгээр улирлын байдлаар нийт 7,975 гэмт хэрэг бүртгэгдсэний 3,293 нь буюу 41.2 хувь нь хулгайлах гэмт хэрэг байна

НЦГ-ын Мөрдөн шалгах газрын хулгайлах гэмт хэрэгтэй тэмцэх хэлтсийн дарга, цагдаагийн дэд хурандаа Ц.Амгалан-Энх мэдээлэлдээ  “2018 оны нэгдүгээр улирлын байдлаар нийт 7,975 гэмт хэрэг бүртгэгдсэний 3,293 нь буюу 41.2 хувь нь хулгайлах гэмт хэрэг байна. Өмнөх оны мөн үетэй харьцуулахад 2.3 дахин өссөн. Хулгайн гэмт хэргийн 2,688 буюу 81.6 хувийг бусдын өмчийг хулгайлах гэмт хэрэг эзэлж байна. Эдгээр гэмт хэрэгтэй тэмцэх талаах цагдаагийн байгууллагаас хэд хэдэн арга хэмжээ авч байгаа. Үүний нэг нь оны эхнээс эхэлсэн “Сэрэмжлэе, нэгдье” аян юм. Тус аяны хүрээнд цагдаагийн байгууллагын ажилтнууд хулгайлах гэмт хэрэгтэй тэмцэх, хэрхэн сэрэмжлэх талаар иргэд, ААН-үүдэд мэдээлэл түгээсэн. Иргэд санаачлагатай оролцож байгааг онцолъё.  

Хулгайч нар хулгайлсан эд, зүйлээ томоохон зах, худалдааны төвүүдэд борлуулдаг тул захын эздүүдэд хулгайн эд зүйл авахгүй байх талаар санал, сэрэмжлүүлэг өгч, хамтран ажиллаж байна. 

Автомашины эд анги хулгайлах, бүтнээр нь хулгайлах гэмт хэрэг нэлээдгүй бүртгэгдсэн. Ажлын хэсэг гарч ажилласны үр дүнд аккумлятор хулгайлдаг, машин хулгайлдаг бүлэг этгээдийг мөрдөн шалгаж, баривчилсан. Дамжуулан борлуулдаг цэгүүдэд шалгалт хийж, зөрчилтэй нь тогтоогдсон 38 цэгийг хаасан. Мөн хулгайн эд зүйлс худалдаж авахгүй байхыг сэрэмжлүүлье” гэв.

 

 


Энэ мэдээ таалагдаж байвал:


  • Зочин · [103.26.194.88] · 2018/04/29

    Ilgeelt geed ch yum urialgach yum uu echneen ajiliin bair gargaachee deeguuree huuli hudalaa yariad yuy ch ahkihkgui ta hed ideed hudalaa yariaad l bgaa sn dee .hegjimeer hedelmerlemeer bna sn dee. Yaduu ajigui ulsuud hulgai hiine sn dee yaahkiin


  • zochin · [66.181.161.98] · 2018/04/28

    Засаг төр ажил хийлгээчээ ажлын ыайр гаргаачээ гудамж метрлээд явж байна энэ хүмүүс чинь.99%ажилгүй залуус муу юм л хийнэ хулгай хүчин биеэ үнэлэх .энэ3бол цагдаатай.судалгөатай бус ч ойлгомжтой .хүрэлсүх е.с болчоод 1ажлын гаргавуу?өөрөө инээгээд гадаад дотоодод айлчин.гиййчин туг өргүүлээд үзээгүй юмаа үзэж баярлаад гүйгээд бн.ажлын байр гаргаж залуучуудыг ажлуулах ажлаас.хийх юмөа эхлэх хэрэгтэй ...