Японы мэргэжлийн сүмо бөхийн Кюүшюү башё Фүкүока хотноо арванхоёрдахь өдрөө үргэлжлэн явагдлаа
Башёг мэргэжлийн сүмо бөхийн 69 дэх Их аварга Хакүхо 11 даваатай, нэг унаатай тэргүүлэн барилдаж байна. Их аварга өнөөдөр Эндог давсан бол маргааш Аби хүч үзнэ. Түүний ард Шодай болон Асанояама 9 даваа, 2 унаатай бичигдэж байна.
Дээд зиндааны манай хоёр бөх Тамаваши Б.Мөнх-Оргил зургаан даваа, зургаан унаатай байгаа бол Дайшохо Ч.Шижирбаяр 3-8 гэсэн амжилттай барилдаж байна.
Макүшита зиндаанд манай 9 бөх хүч үзэн барилдаж байгаагаас экс озеки Тэрүнофүжи Г.Ган-Эрдэнэ барууны 10-аас босч барилдаж зургаан даваатай тэргүүлж байна. Тэрбээр маргааш макүшита зиндаанд түрүүлэхийн төлөө хүч үзнэ. Манай бөхчүүдээс хамгийн өндөр чансаатай нь Сакигакэ Я.Баттүшиг зүүний 3-т эрэмбэтэй. Манай 5 бөх 11-ээс дотогш эрэмбэтэй байгаа бөгөөд сайн барилдвал Жюүрёо зиндаа руу дэвшиж, цолтой бөх болох бүрэн боломжтой юм.
Зүүний 3-аас Сакигакэ Я.Баттүшиг 4-1
Барууны 10-аас Тэрүнофүжи 5-0
Мөн Жонидан зиндааны Зүүний 56 дахь бөх Хокүтэнкай Г.Сүхбат 6-0 амжилттай башёг үргэлжлүүлж байна
Шуурхай.мн