Хөхүүрийн айргийг ЮНЕСКО-гийн соёлын биет бус өвөөр бүртгэж авч, батламж гардуулах ёслолын ажиллагаа ГХЯ-д боллоо. Ёслолын ажиллагаанд Гадаад харилцааны сайд Д.Цогбаатар, БСШУС-ын сайд Ё.Баатарбилэг тэргүүтэй албаны хүмүүс оролцлоо. Ёслолын эхэнд Гадаад харилцааны сайд Д.Цогтбаатар "ЮНЕСКО-гийн соёлын биет бус өвийн хамгаалах конвенцийн Засгийн газар хоорондын хорооны 14 дүгээр ээлжит чуулган БНКУ-ын нийслэл Богота хотноо 2019 оны арванхоёрдугаар сарын 11-ий өдөр хуралдаж, Монгол Улсаас нэр дэвшүүлсэн хөхүүрийн айраг исгэх уламжлалд холбогдох зан үйл өвийг хүний төрөлхтний соёлын биет бус өвийн төлөөллийн жагсаалтад бүртгэх шийдвэр гаргасан. Ингэснээр өвийн батламж бичиг бидэнд ирээд байна. Айраг исгэх зан зүйл нь Монгол Улсын ЮНЕСКО-гийн соёлын биет бус өвд бүртгүүлсэн 15 дахь өв юм" хэмээлээ.
Түүний дараа БСШУС-ын сайд Ё.Баатарбилэгт өвийн батламжийг гардуулж өгөв. Мөн Соёлын өвийн үндэсний төв, "Айргийн нутгаар" ТББ, "Байгаль, соёлын өв" ТББ-ын төлөөллүүдэд гардуулж өгсөн юм.
