УИХ-ын гишүүн Д.Лүндээжанцан Монгол улсын Парламентад тасралтгүй 26 жил ажилласан рекорд эзэмшигч, Үндсэн хуулийн эхийг баригч юм. 1996-2000 онд УИХ-ын гишүүн, 2000-2004 онд УИХ-ын гишүүн, Гадаад бодлого, аюулгүй байдлын байнгын хорооны дарга, 2004-2008 онд УИХ-ын гишүүн, 2004-2007 онд УИХ-ын дэд дарга, 2007-2008 онд УИХ-ын дарга, 2008-2012 онд УИХ-ын гишүүн, 2008-2011 онд МАН-ын бүлгийн ахлагч 2012 оноос УИХ-ын гишүүнээр тус тус ажиллаж. Байнгын ажиллагаатай парламентад тасралтгүй 7 удаа сонгогдон ажиллаж байна.Монгол Улсын Гавьяат хуульч, Хууль Зүйн Шинжлэх ухааны Доктор, Профессор, хүн юм.
Харин энэ хүний хувьд амралтын өдрөө тансаг өргөөндөө бус ард иргэдтэйгээ ойр байхыг илүүд үздэг аж.Сонгогдсон цагаасаа хойш Бямба гариг бүр ард иргэдтэйгээ уулзалт хийж, үзэл бодол тулгамдаж буй асуудал зэрэгтэй танилцаж газар дээр нь очиж шийдвэрлэх талаас нь ажиллаж байна. Тэрээр өнгөрсөн Бямба гарагийн уулзалтад иргэдийн хамгийн их асуудаг зүйлийн нэг болох амьдарч буй орчны болон оршин суугаа байрны тохижилт засвар үйлчилгээний талаар танилцжээ.
Энэ асуудлуудыг хариуцан иргэдтэй өдөр тутам хамгийн ойр ажилладаг Сууц Өмчлөгчдийн Холбооныхонтой манай төлөөлөгчид уулзаж тулгамдаж буй асуудлууд хийгээд иргэдийн эрүүл аюулгүй, тохитой орчинд амьдрах нөхцөлийг бүрдүүлэхэд хэрхэн ажилладаг талаар нь ярилцсан байна. Олон жилийн өмнө ашиглалтад орсон байрнуудын шугам сүлжээ, байрны дулаалгаас эхлээд хөрөнгө мөнгө их шаардсан дорвитой ажлын зэрэгцээ орц, гадаад орчны тохижилт, камержуулалт гээд байнгын арчилгаа шаарддаг ажлуудынх нь талаар дэлгэрэнгүй мэдээлэл авч цаашид хууль эрх зүйн орчинд зохицуулах хэд хэд хэдэн асуудал байгаа талаар ярилцсан байна. Тэрхээр хэлэхдээ ганцаарчилсан уулзалтыг иргэдтэйгээ хийж хүлээн авсан өргөдөл саналд цаг алдалгүй хариу өгч гарц шийдвэрийг олохоор ажиллаж байна хэмээжээ.
Мөн БГД-ийн хүнсний дэлгүүрүүдээр орж худалдаа эрхэлж байгаа хүмүүс болон худалдан авагчидтай уулзсан байна. Ямартай ч иргэдээс гарч буй өргөдөл, саналуудыг төлөөлөгчийн газраараа дамжуулан өдөр бүр хүлээн авч байгаа аж.
Эх сурвалж Шуурхай.мн
