fbpx

А.Баатархуяг: Бичиг ба мөнгө!


Хятадын төрийн бодлого айхтар юм. 10 гаруй жилийн өмнө Өрөмчид очоод тод үсгээр гардаг, 40 гаруй мянган хувь хэвлэгддэг Шинжааны "Өдрийн сонин"-ыхонтой уулзаж билээ. Ерөнхий редактор (найруулагч гэнэ) нь Нацагдорж гэж торгууд хүн байсан. Гэрт нь очиж архи ууж, мах идэж, дуулж, хуучилсан.

Уржнан Шинжаанд очоод тус сониныг асуусанд "Байгаа, байгаа гэхдээ монгол бичгээр гарч байгаа" гэсэн. Нацагдорж гуай тэтгэвэрт суужээ. "Нийт монголчуудыг нэг бичиг үсгээр сургах болж..." гэсэн шүү юм бодоод сүрхий тоосон ч үгүй. Харин "Ингээд тод үсэг хаа ч хэрэглэгдэхээ болих нь дээ! Хэрэглэхгүй бол устана даа" гэж гуниглан бодоод өнгөрсөн. Нөгөө талаас БНХАУ-ын нийт Монгол үндэстэн нэг бичгээр бичвэл цөөн таруу хүмүүсийн нэгдэлд бас ч гэж сайн талтай гэсэн шүү юм бодож анхаарал тавьсангүй л...

Гэтэл энэ жил ердөө ганцхан бичгийг л сургалтаас хасчихаж байна. Тэгээд нийт монголчууд бичиг үсэггүй болох нь! Ганц далайлтаар шийдэхийн тулд нэг бичиг рүү шахаж байж уу? гэж сая л гэнэт бодов. Хэдэн жилийн өмнө тод үсгийг халсан нь монгол бичгийг халах ёр байж! Тэгэхэд тод үсгийг анзаарсан бол тодорхой бодлогыг илчлэх байж! Мунхагийн ухаан орой гэж... Яг үүн шиг бид Халх-Ойрад, Хасаг- Монгол гэлцэж хуваагдвал залгих ам нэг шүү!

Бас хэдэн жилийн өмнөөс Хятад улс 100 юаний дэвсгэртээ өөрчлөх гэж байна гэсэн сураг гарч байв. Яагаад гэвэл хятадууд мөнгөө гудсандаа хадгалдаг ард түмэн. Авилгаа ч бас банкинд бус бэлнээр хадгалдаг аж. Ханандаа, усан сан барьж хадгалсан ч гэх шиг... Тиймээс нь авилгаа нуухын зэрэгцээ гар дээрх мөнгө юаний ханшинд нөлөөлөх магадгүй тул өөрчлөх юм гэж сонсов. Учир нь хамгийн том дэвсгэрт зуут! Зуутын дэвсгэртээ сольж, авилгачдын авдран дахь мөнгийг цаас болгох санаатай юм гэлцсэн...

Гол нь юань дээр монгол, ханз, ланз, араб үсгээр бичсэн байдаг. Шинэ юань монгол үсэггүй гарах юм биш байгаа? "Хятад хүн дөрвөн хүнд хамгаас хайртай, тэр хэн бэ?" гээд "100 юань дээрх зураг..." гэдэг онигоо байдаг юм билээ. Одоо дөрвөн хүн ч үгүй, дөрвөн бичиг ч үгүй болох нь... Хятадууд ОУ-д авилгатай тэмцэж байна л гэх биз! Ковид тархаж, улс бүр хилээ хаагаад амиа бодон эвийг, бавий гэлцэх цагийг тохируулан Хятадын ЗГ монгол бичгийг хорих гэж байна!

Хамгийн гол нь "монгол бичиг" шүү! Энэ бичиг тус улсын түүхийг харуулдаг, бүр Чин гүрнийг сануулдаг, өөрөөр хэлбэл монгол бичиг Монгол, Манж үндэстнийг төлөөлдөг! Удахгүй 4 жижиг таван хошуугаа ч авах юм байх даа?

БНМАУ бичиг үсгээ кирилл болгож, өвөрлөгчид хуучин бичигтэй үлдсэнээр монголчуудын хэл соёлын хэлхээ холбоо суларч таслагдсан. Монгол бичиг бол уулын оргилд тахисан өндөр багана мэт гэрэлтэж, нийт монголчуудад хэн болохыг нь сануулж байв. ЗХУ-ын үед ЗСБНХОУ өөрийн харъяат ард түмнээ кирилл үсэгтэй болгосноор "Нэг үндэстний интернациональч гэр бүл" бий болгохыг зорьсон. Буриадууд "С" үсгийн төлөө яаж хохирлоо?! Бид тэгэхэд тоогоогүй, өнөөдөр буриадууд айхтар оросжсоныг гайхаад байх хэрэггүй л дээ, тэгэхэд л...

Хятадууд монгол бичгийг ОУ-ын стандартад дүрс үсгийн элемэнтээр оруулах гэж, бид авиа тэмдэглэдэг үсгийн элемэнтээр оруулах гэж их юм болсон. Хятадууд зөөлөндүү байсан, угаас ингэх гээд байж!

Монгол үсэг бол цагаан хэрмээс ч өндөр соёлын "босоо хана хэрэм" билээ, энэ бичиг биднийг лав сүүлийн хагас мянганд монгол гэдгийг таниулж, мэдүүлж иржээ. Хэрэв өвөрлөгчид монгол бичгээ гээвэл ёстой шуудай хар будаанд хийсэн атга арвай мэт уусан алга болно! Монгол хүн хаа ч байсан өөрийн өв соёлыг уламжлуулан хэрэглэх эрхтэй!

Монгол Улс ч энэ бичгийг хэрэглэдэггүй гэж болзошгүй ч энэ бол коммунист дэглэмийн мөн чанараас үүдсэн түүхэн хэрэг явдал. Үүнийгээ бид засах гэж оролдож байна. Харин БНХАУ дэглэмийнхээ мөн чанараа хүмүүнлэг дэлхий ертөнцөд дахин харуулж, бүдүүлэг бурангуй улс гэгдэхгүй байх боломж бий! Уг нь хятад бол эртний соёлт үндэстэн!

Өвөрлөгчид үсэг бичгээ хамгаалж буй нь зүйн хэрэг. Хэдий энэ БНХАУ-ын дотоод хэрэг авч нэг үндэстний нэгдмэл хэл соёлтойн хувьд энэ нь бидний ч асуудал мөн! Ингэвэл бид өөхөнд болсон бөөр, үнхэлцэг доторх зүрх, үсэнд нуугдсан бөөс байхаа болино! Ганц тонгорогоор л хусуулна! Тиймээс монгол бичиг хэмээх хана хэрмээ цавчуулан унагаваас хэн эмгэнэлтэй вэ?

 

Монгол эмгэнэлтэй!

"Орон бүхний Монголчууд нэгдэгтүн!"


Энэ мэдээ таалагдаж байвал:


  • KHBNB · [105.112.124.248] · 2020/11/06

    Миний гэрчлэлийг уншаарай. МОНГОЛ УЛСЫН МИНИЙ ХҮМҮҮСИЙН МЭНД ХҮРГЭЕ ЖИНХЭНЭ, ЖИНХЭНЭ БАЙШИНААС АВАХ ЗЭЭЛ ХЭРХЭН ЗЭЭЛТЭЙ БАЙГААГАА МЭДЭГДЭЖ БАЙНА. ЗЭЭЛИЙН КОМПАНИЙГ ЖОЗО ЛУЙС ЗЭЭЛИЙН КОМПАНИ гэж нэрлэв, би өнөөдөр маш их баяртай байна БУРХАН BLESS JOSE LUIS ЗЭЭЛИЙН КОМПАНИЙН имэйл (joseluisloans@gmail.com) Намайг Сэндэнсүрэнгийн Номинчулуун гэдэг Миний хаяг khovd Аймаг Монгол 7-3 ХОВД АЙМАГ 03 84155 Монгол Би бол МОНГОЛ УЛС байшин худалдаж авахын тулд сүүлийн 5 сарын хугацаанд жинхэнэ зээлийн компани хайж байна Миний олж авсан зүйл бол надад итгэж, эцэст нь итгэхэд хүргэсэн олон тооны луйвар байсан өдрийн хувьд тэд миний мөнгийг хариуд нь юу ч өгөхгүйгээр авсан миний итгэл найдвар алдагдсан, би эргэлзэж, бухимдсан, би хэзээ ч хүсээгүй Интернэт дэх зээлийн компаниудтай холбоотой бүх зүйл, тиймээс би зээл авахаар явсан а-аас зарим мөнгө найз минь, би түүнд болсон бүх явдлыг хэлээд тэр надад тусалж чадна гэж хэлсэн тэр надад ямар ч хэмжээний зээл тусламж үзүүлэх боломжтой зээлийн компанийг мэддэг тэр надад маш бага хүүтэй 2% хүү хэрэгтэй байсан тэднээс зээл авахад тэр зээл авах хүсэлт гаргахад надад чиглүүлсэн тэр надад хэлсэн шиг би тэдэнтэй И-мэйлээр (joseluisloans@gmail.com) өргөдөл гаргасан, би хэзээ ч итгэсэн боловч би хичээгээд хамгийн их гайхсандаа 24-ийн дотор зээл авсан цаг, би итгэж чадахгүй, Би дахин аз жаргалтай, баян болж, ийм зээл олгосонд Бурханд талархаж байна ийм луйвар дээр ийм компаниуд одоо хүртэл байдаг, Зээл авах шаардлагатай байгаа бүх хүмүүст энэ имэйлийг (joseluisloans@gmail.com) танд өгөхийг зөвлөж байна. (joseluisloans@gmail.com) хаягаар орж, тэднээс зээлээ аваарай, бурхан ивээг jose luis зээлийн компани нь жинхэнэ зээлийн санал болгосны төлөө. Би зээл авсан тул зээлийнхээ талаар JOSE LUIS зээлтэй холбоо бариарай стрессгүйгээр энэ компаниас амжилттай зээл аваарай., имэйлээр нь зочилно уу (.joseluisloans @ gmail.com)


  • Зочин · [192.82.75.76] · 2020/09/21

    Та монгол бичгээ сайн хамгаалдаг байж. Тэгвэл ирээдүйн үеийнхэндээ сурах бичгийн эхийг ялангуяа "Хими,Физик гэх мэт салбар шинжлэх ухааны суурь мэдлэг олгодог хичээлийн сурах бичиг,орчин цагийн цахим төхөөрөмж хиймэл оюун ухааны нэр томьёг хэрхэн бичих вэ?Баатархуяг та бэлдчихсэн үү? Үндэсний өв соёлоо хамгаалж байна уу?харийн хүний хорон үйлдлээр орчин цагт хүрсэн шинжлэх ухаан ололтыг олж мэдэх боломжийг бомилоод байна уу? бодох л асуудал


  • Зочин · [192.82.75.76] · 2020/09/21

    Өнөөдөр манай төрийн эрхэмүүд,бизнесменүүд бүгд л өндөр төлбөртэй ангил сургалттай сургуульд л өгч байгаа маргаангүй үнээн. Ийм байхад та бусдаад халдаад хэрэг байна уу?


  • Зочин · [192.82.75.76] · 2020/09/21

    Хэдхэн хүн хийрхээд байгаагаас биш өнөөдөр монгол бичгээ зааж сургах гэхээсээ илүүтэй ангил хэлний сургалтай сургуульд сургаад байгаа хатуу үнэн ш дээ. Өөрсөдөө ийм байж тусгаар улсын асуудал нийтийг турхирах нь зохимжгүй юм биш үү?


  • Зочин · [192.82.75.76] · 2020/09/21

    Бусдын хэрэг хошуу дүрж барга л төрийнөө хэл болго гэх нь халаггүй хийрхэж байгаа та өөрөө хуучин монголоороо хэр уншиж,бичдэг Танай хүүхдүүд бичиж уншдаг уу?Сургуульд нь заагаагүй юм гэхэд хуучин монгол бичтээ хайртай хамгаалж явдаг таны хувьд хүүхдүүддээ өөрөө ч заагаад өгсөн үү? Ангил хэлтэй сургуульд сургаад байна уу? гэж асуумаар байна.


  • Зочин · [192.82.75.76] · 2020/09/21

    Могойг 3 хуваахад гүвэлийн дайтай үлддэг гэх үг бий.Бид казакстан,Уйгард хуваагдвал юу болох бол? Тусгаар улс дотроо хийж байгаа ажилд манайхан лут анхаарч хийрхэж байхаар бид чинь хуучин монгол бичгээ хэр тордож хамгаалж төрийн түвшинд авсан билүү? Хийрхэж бусдын хэрэг хошуу дүрж байхаар бид өөрсөдөө бодож бохгүй л байгаа юм уу?


  • ЗОЧИН · [103.111.68.3] · 2020/09/15

    КОВИД ТУСААД БАЛАРЧ БАЙХАД НЬ ТУСАЛСАН МОНГОЛЧУУДЫН ХЭЛ СОЁЛЫГ УСТГАХ АЖИЛ ХИЙСЭН ХЯТАД УЛСЫГ ӨӨРИЙГ НЬ ЗАДЛАХ БОЛОМЖТОЙ ЮМ ШҮҮ