Засгийн газрын ХМХХ-ийн дарга Ц.Ганзориг Засгийн газрын хуралдаанаас гарсан шийдвэрийн талаар мэдээлэл хийлээ.
Тэрбээр “Төрийн үйлчилгээний болон тусгай албан хаагчдыг түрээслэж өмчлөх хэлбэрээр орон сууцанд хамруулах тогтоолыг засгийн газар баталлаа. Цар тахлын үед өндөр ачаалалтай ажиллаж байгаа эмч, сувилагч, цагдаа, мэргэжлийн хяналт, хил, гаалийн ажилтнуудыг орон сууцанд хамруулахаар боллоо. Эхлээд түрээслэх хэлбэрээр, дараа нь өөрийн орон сууц болгож өмчлөх хэлбэрээр энэ хөтөлбөр хэрэгжинэ. Тусгай хөтөлбөрийг хэрэгжүүлэхийг барилга хот байгуулалтын сайд болон Нийсллэийн засаг дарга С.Амарсайханд даалгасан. Эхний тооцооллоор 1300-1500 өрхийг орон сууцанд оруулах боломжтой байна. Зах зээл дээр бэлэн байгаа ашигалтад орсон орон сууцнуудаас нээлттэй хэлбэрээр сонгон шалгаруулалтаар төрийн болон тусгай албан хаагчид хамрагдах бүрэн боломжтой. Нийслэлийн орон сууцны корпараци өөрсдийн үйл ажиллагаа явуулдаг тогтолцоогоор цар тахлын үед галын шугаманд ачаалалтай ажиллаж байгаа мэргэжилтнүүдийг орлогод нийцсэн байдлаараа өрөөний метр квадратын хязгаарлалтаа сонгож түрээслэн дараа нь өмчлөн орон сууцтай болно. Өргөдлийг НЗДТГ нээлттэй авна. Эрүүл мэндийн салбараас хэд, цагдаа хүчний байгууллагаас хэд байх вэ гэдэг нь Нийслэлийн ЗДТГ-т ирсэн өргөдөл гомдлоос хамааран тогтооно. Монголбанкнаас 100 орчим тэрбум төгрөг санхүүжүүлэх боломжгүй гэсэн. Сангийн яам хүүгийн татаасыг гаргана. Санхүүжилтийг Сангийн яам, Монголбанк хамтран гарах бүрэн боломжтой гэж үзэж байгаа" гэж мэдээллээ.
