Уламжлал болгон зохиодог “Улаанбаатар хөрөнгөоруулалт-2018” бизнес уулзалтыг энэ сарын 29-ний өдөр Төрийн ордонд зохион байгуулахаар болсон байна. Энэ талаар нийслэлийн Засаг дарга бөгөөд Улаанбаатар хотын захирагч С.БАТБОЛДООС тодрууллаа.
-Энэ бизнес уулзалтыг хэзээнээс зохион байгуулж эхэлсэн юм бэ. Уулзалтын ач холбогдлын талаар та юу хэлэх вэ?
-“Улаанбаатар хөрөнгө оруулалт-2015” нэрийн дор хотын удирдлагууд болон "Улаанбаатар хотын худапдааны танхим" хамтран санаачилснаар анхны форумыг зохион байгуулж байсан. Энэхүү форум нь нийслэл болон хувийн хэвшил асуудал бэрхшээл, шийдэх арга замыг дүгнэн хэлэлцдэг томоохон чуулга уулзалт болон өргөжиж дөрөв дэх жилдээ зохион байгуулагдах гэж байна. Онцлох ач холбогдол бол хувийн хэвшипд хаалттай байсан худалдан авалт, төсөл хөтөлбөр, тендөрүүд нээлттэй болж үүнийгээ чуулга уулзалтаар зарлаж, эргээд нийслэлд хэрэгжүүлж болох бүтээн байгуулалтын хөтөлбөрүүдийг хувийн хэвшлийнхэн танилцуулдаг болсон явдал юм.
-Бизнес уулзалтын онцлог нь юу байх бол. Ямар арга хэмжээ явуулахаар төлөвлөж байна вэ?
-"Улаанбаатар хөрөнгө оруулапт 2018" бизнес уулзалтын онцлог нь хувийн хэвшил, бизнесийнхний хөрөнгө оруулалт, төсөл хөтөлбөрийг илүүтэй дэмжиж, Улаанбаатар хот хамтран ажиллаж, иргэдийнхээ амьдрах орчныг сайжруулахын төлөө бүтээн байгуулапт, хөрөнгө оруулалтыг чиглүүлэхэд оршиж байна. Нийслэлийн харьяа агентлагууд үзэсгэлэн гаргаж, худалдан авах ажиллагаа болон хөрөнгө оруулалт, бүтээн байгуулалт, нийгмийн салбар зэрэг бүхий л чиглэлээр бизнесийнхэн болон аж ахуйн нэгжид мэдээлэл өгнө.
-Улаанбаатарын хөрөнгө оруулалтын лого / бэлгэдэл/-ийн талаар товч тайлбар өгнө үү?
-"Улаанбаатар хөрөнгө оруулалт 2018" бизнес чуулга уулзалтын логог тэнгэрийн цэнхэр, агаарын цагаан, модны ногоон, асаж бадамлахын улаан өнгийг оруулж хийсэн. Энэ өнгө нь иргэдийн ажиллаж, амьдрах, бизнесээ эрхлэхэд таатай орчныг бүрдүүлж, агаар, хөрсний бохирдлын асуудалд онцгойлон анхаарсан жил байна гэдгийг илтгэж байгаа юм. Мөн "Эко хот, эдийн засгийн төв" байх зорилтыг давхар агуулж, хөгжин дэвжихийг билэгдсэн юм.
Д.МӨНХ
