Нийслэлийн Сонгинохайрхан дүүрэгт байрлах журмын хашаанд ачигдаж ирсэн автомашин дотор нэгэн иргэн хөлдөж нас барсан харамсалтай хэрэг гарчээ. Нас барсан иргэн машин дотроо унтаж байсныг ачилтын компанийн ажилчид анзааралгүй ачиж, журмын хашаанд хонуулсан бололтой. Тухайн иргэн согтууруулах ундаа хэтрүүлэн хэрэглэсний улмаас автомашин дотроо унтаж байсан хэмээн зарим эх сурвалж хэлж байна. Энэхүү харамсалтай хэрэг ачилтын компани, журмын хашааны зохицуулагчдын хайхрамжгүй үйлдлээс болсон хэрэг юм.
Сүүлийн үед ачилтын компаниудын бусдын эд хөрөнгөд хайхрамжгүй, бүдүүлгээр ханддаг хандлага нь одоо хүний амь насанд хүрлээ. Бид энэхүү хэргийн талаар эргэн мэдээлэх болно.
