Улсын хэмжээнд сонгуулийн ирц 73.64 хувь байлаа

Монгол Улс парламентын 8 дахь удаагийнхаа сонгуулийг өчигдөр явуулж, 22:00 цагт санал хураалт дууссан билээ. Тэгвэл СЕХ-ны дарга Ч.Содномцэрэн өнгөрсөн шөнө 01:30 цагаас мэдээлэл хийлээ. Тэрбээр "Одоогийн байдлаар 2070 хэсгээс 35-ынх нь хүлээгдэхээр байна. 29 тойргоос 15-ынх нь 100 хувь гараад байна. Үлдсэн 14 тойргийнх нь 80-90 гаруй хувьтай байгаа. 2, 3 хэсгийн санал л саатчихаад байж байна. Яг одоо хуулийн дагуу сум, дүүргийн хэсэгт хяналтын тооллого хийх хэсгээ сонгоод хийж байгаа. 1000 гаруй хэсэгт хяналтын тооллого хийхээр болсон. Өглөө мэдээлэл өгнө. Хэдийгээр онцгой байдалд, бороо хуртай үед саналаа өгсөн ч 2000 оноос хойш тогтмол буугаад байсан ирцийг нэмэгдүүлж чадлаа" хэмээлээ.

Тэгвэл энэ жилийн сонгуулийн ирцийн талаар СЕХ-ны гишүүн Б.Баасандорж мэдээллээ. Энэ удаагийн сонгуульд 200624 мянган сонгогч саналаа өгөхөөр бүртгүүлснээс 1475675 нь саналаа өгч, ирц 73.64 хувьтай байлаа.

21 аймагт ирц хэдэн хувьтай байгаа талаарх мэдээлэл