ЭМЯ-ны мэдээллийн үеэр БШУЯ-ны Бага, дунд боловсролын газрын дарга Т.Ням-Очир мэдээлэл өглөө. Тэрбээр "Хорио цээрийн дэглэмтэй холбоотойгоор наймдугаар сарын 21-ний байдлаар нийт сургуулиудын 89 хувь нь 1-2 удаагийн халдваргүйжүүлэлтийг хийсэн байна. Есдүгээр сарын 1 гэхэд гурав дахь удаагийн халдваргүйжүүлэлтийг хийж, хичээлийн бэлэн байдлыг хангана. Ерөнхий боловсролын сургуулиад нийтдээ 2160 гар угаалтуурыг нэмэгдүүлсэн. Нэг угаалтуурт ногдох хүүхдийн тоо 46 байгаа. Цаашид гар угаалтуурын тоог нэмэгдүүлж, орчин нөхцлийг сайжруулна гэсэн төлөвлөгөөтэй ажиллаж байна.
Түүнээс гадна, БШУ-ны сайдын тушаалаар кварцын гэрэл, халуун хэмжигч, ариутгалын бодис авах тодорхой зардлыг баталсан. Ариутгалын бодисын зардлыг бид аймаг, нийслэлийн Боловсролын газрын дансаар шилжүүлж, шийдвэрлэнэ. Бусад зүйлсийг шууд худалдан авахаар бэлтгэл ажлыг хангаж байна" байна хэмээлээ.
