УИХ-ын 2020 оны сонгуульд "Тоон дотор үсэг цохиж явна" гэгчээр олны итгэлийг алдаж дургүйцлийг төрүүлсэн нөхдүүд хэд хэдээрээ сонгогдсон. Үүнийг сонгуулийн булхай луйвар гэж ярьж байсан ч эцэст нь "ЕХCEL" программ их "ТОМ ТОЛГОЙ" гаргасан болж таараад байгаа.
Тэдгээр тоон доторхцөөн үсгүүдийн нэг нь улсын гарьд Ц.Цэрэнпунцаг. Өдгөө түүнд УИХ-ын гишүүн гэх "ШОШГО" наалдаастай ч түүнийг "Гарьд" гэдгээр нь ард түмэн дуудах дуртай. Тэрбээр УИХ-д суусан цагаасаа эхлэн өөрийнхөө бизнесийг цэцэглүүлэхийн тулд орж ирсэн гэдгээ нууж хаалгүйгээр харин ч нэг хэлж буй нэгэн. Муу нууснаас сайн илчил гэгчээр аяглаж байгаа гэхэд болно. Ер нь ч овоо зэгсэн хамгаалалт босгоод өөрсдийнхөө лоббиг гүйцэлдүүлж тоглодог нөхөд бол улстөрчид бөгөөд тэдний бүлэглэл хүрээгээ тэлж буйн илрэл ч гэж хэлж болно.
Уг нь улсынхаа эдийн засгийг тэлэх бодлогыг Засгийн газрын зүгээс чухалчилж "Хөрөнгө оруулагчдыг дэмжих" гэсэн бодлого баримталж байгаа ч иргэдийн аюулгүй орчинд амьдрах нөхцөлийг хангахын тулд ашигт малтмалын лиценз олголтод хяналт тавих, газар орноо хамгаалах, хайр найргүй сэндийлж ухахгүй байхыг чухалчилж байгаа нь ч үнэн.
Тэгтэл шинэхэн гишүүн маань Байгаль хамгаалах чиглэлээр үйл ажиллагаа явуулдаг байгууллагууд болон нутгийн иргэд, Хариуцлагатай уул уурхайг явуул. Нөхөн сэргээлт хий гэж байгаа болохоос зогсоо, боль гэж шаардаагүй" гэсэн нь тангараг өргөж төрийнхөө далбаанд адисласан хүний үг мөн үү гэх эргэлзээг төрүүлж түүний пээдгэр зан төр түмний төлөө бус өөрийнхөө, хувийнхаа бизнесийг хамгаалахаар орж ирж гэснийг нь тод томруун илтгэж орхисон.
Гэхдээ Ерөнхийлөгчийн хэлсэн Уул уурхайн бизнестэй хүмүүсийг төрөөс хол байлгах ёстой хэмээн мэдэгдэж байсныг гарьдад сануулахад ;илүүц болохгүй биз ээ. Зорилгоо биелүүлэх гэж орж ирсэн нөхдүүд ч үүнийг бодолцох хэрэгтэй. Гэхдээ бүтэн 4 жилийн хугацаа байхад яараад чичрээд яахав дээ, гарьд аа.
Эрхэм гишүүн таны 51 хувийг нь эзэмшдэг "Аспайр майнинг лимитед" компани Могойн голын нүүрсний ордыг ухахаар сүүлийн 2 жилийн турш элдэв арга хэрэглэж байсныг Хөвсгөл аймгийн Цэцэрлэг сумын иргэд мартаагүй байгаа.
Хотгойдын Чингүнжавын цус судсаар нь гүйж буй ард иргэд тийм ч амар нутаг орноо төнхүүлэхгүйг бас гадарлаж л баймаар. Түүхийг сануулахад,Чингүнжавыг засаг ноён буюу төрийн бээл болох үед Монголд Манжийн ноёрхол ид гаарч, Ойрдыг байлдан эзлэх төлөвлөгөөгөө хэрэгжүүлэх түшиц газар болгох бодлого явуулж байсан. Харин өдгөө Монголчууд буюу тодруулбал эрхэм гишүүн Ц.Цэрэнпунцагийг Манж лугаа адил бодлого явуулж байгаа нь эмгэнэл гэж сонгогчид нь төдийгүй улс даяараа шүүмжилж байна
Эх сурвалж: Erennews.mn
