Манай улсын эрүүгийн хуулиар гэр бүл, хамтран амьдрагч, хувь хүний эрүүл мэндэд хүндэвтэр болоод хүнд гэмтэл учруулсан бол тухайн этгээдэд өндөр хариуцлага хүлээлгэдэг болоод удаж байна.
Тэгвэл Тэрэлжид байрлах нэгэн амралтын газарт өнгөрөгч долоо хоногийн Пүрэв гарагийн 23 цагийн орчимд Монголын нэгэн томоохон банкны хувьцаа эзэмшигч, эзэн БХ /эрэгтэй/, загвар өмсөгч С /эмэгтэй/-ийг зодож, биед нь хүнд гэмтэл учруулсан хэрэг гарсан байна.
Энэ хэргийн дуудлага мэдээлэл Нийслэлийн Налайх дүүргийн цагдаагийн хэлтэст тухайн өдөр /2020.09.03/-ийн 23:40 цагийн үед ирсэн байна. Улмаар цагдаагийн бүрэлдэхүүн хэргийн газарт очиж иргэн БХ-ээс хутга зэрэг эд мөрийн баримт хурааж авсан гэх албан бус мэдээлэл ч байна
Хачирхалтай нь тус хэргийн сэжигтэн гэх Монголын нэгэн банкны эзэн БХ-ын гаргасан энэхүү ноцтой үйлдэлд хэрэг бүртгэл нээсэн боловч, тэрээр одоог хүртэл гадуур, сул чөлөөтэй яваа гэх мэдээлэл байна. Мөн түүнийг банкных нь асуудлаар Шүүхээс эрэн сурвалжилж байгаа гэх мэдээлэл ч байна. Бид үйл явдлыг эргэн мэдээлэх болно.
Эх сурвалж: Isee.mn
