ХӨСҮТ, ГХЯ хамтарч коронавирусийн нөхцөл байдлын мэдээллийг өгч байгаа билээ.  Өнөөдрийн мэдээллийн эхэнд ХӨСҮТ-ийн дарга Д.Нямхүү "2020 оны есдүгээр сарын 16,17-ны өдрүүдэд ХӨСҮТ-ийн вирус судлалын хоёр, ЗӨСҮТ-ийн болон Дархан-Уул аймгийн салбар лабораторид нийтдээ 1408 хүнд шинжилгээ хийхэд бүгдэд нь коронавирус илрээгүй. Дэлгэрэнгүй танилцуулвал:

-Энэ сарын 17-нд Сөүл-Улаанбаатарын транзит онгоцоор ирсэн 262 хүний шинжилгээ,

-Есдүгээр сарын 15-нд Сөүл-Улаанбаатар чиглэлийн онгоцоор ирсэн 265 хүний шинжилгээ,

-Есдүгээр сарын 02-нд Сиатл-Улаанбаатар онгоцоор ирсэн 250 хүний давтан шинжилгээ,

-Наймдугаар сарын 29-нд Сидней-Улаанбаатар чиглэлээр ирсэн 180 хүний шинжилгээ,

-Дорноговь аймгийн Замын-үүд суманд тусгаарлагдсан 127 хүний шинжилгээ,

-Дундговь аймагт тусгаарлагдсан 14 хүн,

-Сэлэнгэ аймагт тусгаарлагдсан 2 хүний шинжилгээ

-ХӨСҮТ-д тусгаарлагдсан 2, тусгаарлагдан ажиглах байранд байгаа 138 иргэний давтан,

-Ажиглах байранд ажиллаж байсан 42 эмч, ажиллагсдын шинжилгээ

-Алтанбулагийн боомтоор орж ирсэн 57 жолоочийн шинжилгээ

-Сайн дурын 56 иргэний шинжилгээ

-Идэвхитэй тандалтын зорилгоор 12 хүний шинжилгээнд бүгдэд нь коронавирус илрээгүй.

Өнөөдөр 59 настай эмэгтэй эдгэрч, дараагийн шатны сувилалд шилжиж байна. Гэрийн ажиглалтад 13 хүн байна. ХӨСҮТ-д 9 хүн эмчилгэээнд байна. 7 хүн хөнгөн, хоёр нь хүндэвтэр байна. Өчигдөр өглөө Нурсултан- Улаанбаатар чиглэлээр ирсэн эмэгтэй амаржиж хүүтэй боллоо. Монгол Улсад нийт батлагдсан тохиолдол 311, эдгэрсэн нь 302 буюу 97 хувийн эдгэрэлттэй байгаа" хэмээлээ.