ЭМЯ-наас коронавирустэй холбоотой цаг үеийн мэдээлэл өглөө.

ХӨСҮТ-ийн дарга Д.Нямхүү хэлэхдээ "Аравдугаар сарын 7,8-ны өдөр 1248 хүнд шинжилгээ хийхэд коронавирус илрээгүй. Тодруулбал аравдугаар сарын 7-нд ирсэн 213 энхийг сахиулагчийн шинжилгээ, есдүгээр сарын 19-нд Истанбулын онгоцоор ирсэн 246 хүний давтан шинжилгээ,  есдүгээр сарын 24-ны өдрийн Сөүл-Улаанбаатар онгоцоор ирсэн 205 хүний давтан шинжилгээ, Франкфуртын онгоцоор иргэсэн 262 хүний давтан шинжилгээ, аравдугаар сарын 5-нд Замын Үүд боомтоор орж ирсэн 20 хүний давтан шинжилгээ, есдүгээр сарын 18, 22, 23-нд Замын Үүд боомтоор орж ирсэн 56 хүний давтан шинжилгээ, ХӨСҮТ-д сэжигтэй гэж тусгаарлан ажиглагдаж байгаа 2 хүний давтан шинжилгээнд тус тус коронавирус илрээгүй.

Мөн сайн дураар шинжилгээ өгсөн 9 хүнд коронавирусийн халдвар илрээгүй. Бас Алтанбулагийн боомтоор орж ирсэн 56 жолоочид мөн коронавирус илрээгүй. 

Дорноговь аймагт тусгаарлагдсан 70, Дундговь аймагт тусгаарлагдсан 6, Сэлэнгэ аймагт тусгаарлагдсан 1 хүн болон тусгаарлан ажиглах байранд тусгаарлагдсан 41 хүний давтан шинжилгээнд коронавирусийн халдвар илрээгүй. Тусгаарлан ажиглах байранд үүрэг гүйцэтгэж ажилласан 26 эмч, ажилтны шинжилгээнд халдвар илрээгүй.

Одоо Монголд батлагдсан 315 тохиолдол байгаагаас 98 хувь буюу 308 хүн эдгэрсэн. ХӨСҮТ-д долоон хүн эмчлүүлж байгаагаас нэг хүн хүндэвтэр, зургаан хүний бие хөнгөн байна" гэлээ.