П.Дэлгэрнаран: Хар машиныг хакердах боломжгүй, тийм шаардлага ч байхгүй

Энэ мэдээ хуучирсан буюу 2020/10/14-нд нийтлэгдсэн мэдээ болно.

Шуурхай

Ангилал

Эдийн засаг

Огноо

Унших

3 минут 3 секунд

П.Дэлгэрнаран: Хар машиныг хакердах боломжгүй, тийм шаардлага ч байхгүй

Сонгуулийн Ерөнхий Хороо болон Улсын Иргэний Бүртгэлийн Ерөнхий Газар, Цагдаагийн Ерөнхий Газрын удирдлагууд орон нутгийн сонгуультай холбоотой асуудлаар мэдээлэл хийлээ.

Хурлын эхэнд СЕХ-ы дарга П.Дэлгэрнаран: "Аймаг, нийслэл, сум, дүүргийн ИТХ-ын 2020 оны ээлжит сонгууль маргааш явагдахад бэлэн болло. Сонгуулийн бэлтгэл ажил бүрэн хангагдаад байна. 2020 оны нэгдүгээр сарын 30-ны өдөр батлагдсан шинэ хуулиар орон нутгийн сонгуулийг сонгогчдын ирцийг босгогүй байхаар тогтоосон. Тиймээс ч санал хураалт явагдах цагийг богиносгож, 07.00-20.00 цаг болгосон билээ. Мөн аймаг нийслэл, сум, дүүргийн сонгуулийн санал хураалтын дүнг мэдээлэхдээ дэлгэцээр харуулах боломжгүй. Учир нь нийт 8000 гаруй мандат дээр 17 мянга орчим нэр дэвшигч өрсөлдөж байгаа учраас бүгдийг нь дэлгэцээр харуулах техникийн ямар ч боломжгүй. Мөн Сонгуулийн тухай хуулинд “Сонгуулийн дүнг аймаг, нийслэлийн сонгуулийн хороод өөрсдөө гаргаж баталгаажуулах” гэсэн заалт бий.

Маргааш оройноос эхлэн нөгөөдөр өглөө хүртэл СЕХ-ны веб хуудас руу орж, нийслэл, сум дүүргийн ИТХ-ын сонгуулийн дүнг үзэж болно. Санал тоолох төхөөрөмж буюу хар машины тухайд хэлэхэд хакердах ямар ч боломжгүй." хэмээв.

Харин Улсын бүртгэлийн Ерөнхий газрын дарга Д.Дэлгэрсайхан: Жил бүрийн л сонгуулиар нэрийн жагсаалттай холбоотой нэг хүн олон дахин саналаа өгсөн, нэг хаяг дээр олон хүн бүртгүүлсэн байна гэх мэтийн яриа гардаг. Гэхдээ маш олон төрийн байгууллагын хяналт дор иргэдийн нэрсийн жагсаалт үйлдэгддэг учраас зөрчил гарах боломжгүй гэдгийг хэлье. Нэг хаяг дээр олон хүн байгаа нь гурван үндсэн шалтгаантай юм. Нэгдүгээрт, жишээ нь : Сонгинохайрхан дүүргийн халамжийн төв дээр гэхэд л 145 хүн нэг хаяг дээр байна. Баянзүрх дүүрэг дэхь "Зөв амьдрах ухаан" ТББ-ын хаяг дээр 50 хүн гэх мэт. Хоёрдугаарт иргэд үл хөдлөх хөрөнгөө борлуулахдаа хаягийн шилжилт хөдөлгөөн хийлгэдэггүйгээс болоод нэг хаяг дээр олон хүн давхцах тохиолдол бий. Гуравдугаарт хаягийн зөрчил. Жишээ нь: Баянзүрх дүүрэг гэхэд л задгай айлуудаа 100 гэдэг тоотоор дугаарласан байдаг. Задгай гэдгээрээ хаяглагдсан учраас 100 гэдэг тоотын дор маш олон хүн амьдарч байна. Задгай хаяг дээр 8-9 өрх битгий хэл 10-20 өрх ч амьдарч байгаа тохиолдол бий." хэмээн тайлбарласан юм.

Мэдээллийг бүрэн эхээр нь хүргэж байна.