Гааль, татвар, Санхүүгийн мэдээллийн технологийн төв, ШӨХТГ-аас мэдээлэл хийлээ. Тодруулбал “Ebarimt” аппликэйшн ашиглан импортоор орж ирсэн автомашины гаалийн мэдээлэл, түүхийг харах боломжтой болсон талаар дуулгалаа.
ШӨХТГ-ын дарга Б.Бат-Эрдэнэ "2019 онд Монгол Улсын хилээр 69 мянган тээврийн хэрэгсэл орж ирсний 85-93 хувь нь хуучин буюу хэт хуучин гэсэн бүртгэлтэй байна.
2020 оны дөрөвдүгээр сарын 1-нээс хойш гаалиар орж ирсэн автомашины гаалийн мэдээллийн түүхийг ибаримт аппликэйшн болон гэрэгэ киоск ашиглан хэрэглэгч бүр харах боломжтой боллоо. Хилээр орж байгаа машиныг хэдэн километр зам туулсан, ямар гэмтэлтэй, хил дээр ямар цаг хугацаанд орж ирсэн зэрэг мэдээллийг гар утаснаасаа харах боломжтой болж байна. Сангийн яамны харъяа Гааль татвар, санхүү мэдээллийн төв голлон ажиллаж ШӨХТГ-ын Хэрэглэгчийн мэдээллийн төвд ирсэн гомдлыг үндэслэж, Авто тээврийн үндэсний төвтэй хамтарсаны үр дүнд ажил хэрэг боллоо.
Түүнчлэн импортоор орж ирж байгаа автомашины дөрвөн талын бодит зураг, одометрийн заалт гэсэн чухал мэдээллийг ч иргэд хянана. Ингэснээр сэлбэг нэрээр орж ирээд угсрагдах, осолд орсон мөртлөө засварлагдан шинэ гэж зарагдах нөхцлийг хааж, авто машин хэрэглэгчдийн эдийн засаг, цаг хугацааг хэмнэсэн ажил боллоо" гэв.
