Боловсрол, шинжлэх ухааны яам өчигдөр улсын томоохон сургуулиудыг хотоос нүүлгэх шийдвэр гаргаснаа зарлалаа. ХААИС-ийг Дархан-Уул, ШУТИС-ийг Орхон руу гэх мэт. Энэ асуудал олон нийтийн анхаарлын төвд орж, эрдэмтэн судлаачид байр сууриа илэрхийлж эхэллээ.
Үүний нэг бол Лондон коллеж Их Сургуулийн судлаач, антропологич, доктор Д.Бум-Очир. Тэрээр "Бид нүүж болохгүй. Өргөжиж тэлж бол болно. МУ-ын тархи УБ хотод төвлөрч байгаа. Муу ч бай сайн ч бай үндэстний их сургуулиуд гэдэг бол үндэстний тархи үйлдвэрлэгчид. Улсын сургуулиудыг хөдөө гадаа цөлчихөөд тархин дээрээ улсын сургуулиудын нэрийг дээрэмдэж авдаг, гадаадын шашны байгууллагуудын санхүүжилттэй хэдэн сургууль үлдэх хэрэг үү? Сэхээтний цөллөгийг коминтерн хийж байсныг бодоорой. Бид хашаа ч нүүх ёсгүй харин өргөжих тэлэх ёстой. Зүгээр байлгахгүй байвал энэ хэдэн сургууль чинь багштай оюутантайгаа босоод ирж бас чадах байх шүү" хэмээжээ.
Б.ЗАЯА
Эх сурвалж: Shuurhai.mn
