Засгийн газрын ээлжит хуралдаан үргэлжилж байна.
Хуралдаанаар 10 гаруй асуудал хэлэлцэж байгаагийн дотор Бэлэн байдлын зэрэгт шилжүүлсэн хугацааг сунгах тухай Засгийн газрын тогтоолын төсөл, "Ой тэмдэглэх тухай" Засгийн газрын тогтоолын төсөл /Монгол хүн сансарт ниссэний болон сансрын хамтарсан нислэгийн 40 жилийн ой, Засгийн газрын төлөөлөгчдийн бүрэлдэхүүнийг шинэчлэн батлах тухай, "Эрдэнэт" үйлдвэр ТӨҮГ-т тогтоосон онцгой дэглэмийн хүрээнд үйлдвэрийн газруудын үйл ажиллагаанд гарсан үр дүнгийн талаар танилцуулах юм.
Өнгөрсөн даваа гаригийн Улсын онцгой комиссын хуралдаанаар хөл хориог арванхоёрдугаар сарын 31-нийг хүртэл сунгаж, Алтанбулагийн боомтоор орж ирсэн ачаа тээврийн жолооч нарыг нийслэл рүү нэвтрүүлэхгүй байх шийдвэрийг гаргасан. Тиймээс Засгийн газрын хуралдаанаар бэлэн байдлын зэрэгт шилжүүлсэн хугацааг сунгах тухай тогтоолын төслийг эцэслэн батална.
Б.ЗАЯА
Эх сурвалж: shuurhai.mn
