С.Зоригийн амийг бүрэлгэсэн хэрэгт ял шийтгүүлсэн Б.Содномдаржаа нарыг эрүүдэн шүүсэн хэрэгт ТЕГ-ын дарга, генерал Б.Хурц нарын тагнуул, прокурорын байгууллагын 9 хүн холбогдсон хэргийг анхан шатны шүүх шийдвэрлэсэн билээ.
Б.Хурц, О.Бямбажав, Г.Эрдэнэбат, О.Бархасбадь, Ж.Мөнхгал, С.Баяр, Ү.Отгонбаяр, С.Эрдэнэбат, Э.Өлзийбаяр нарыг Нийслэлийн Прокурорын газраас 2002 оны Эрүүгийн хуулийн тусгай ангийн 133 дугаар зүйлийн 133.1 дэх хэсэг /Гүйцэтгэх ажлын тухай хууль тогтоомж зөрчих/-ийн 133.1, 251 дүгээр зүйл /Эрүү шүүлт тулгах/-д заасан гэмт хэрэгт буруутгаад байгаа. Шүүхээс Ж.Мөнхгал, С.Баярт, Б.Хурц нарт 3 жилийн хорих ял, Э.Өлзийбаярт 1 жилийн хорих ял, Г.Эрдэнэбатад 3 жилийн хорих ял, О.Бямбажавд 2 жилийн хорих ял, Ү.Отгонбаярт 2 жилийн хорих ял оноосон юм.
Шүүгдэгчид уг шийдвэрийг эсэргүүцэж давж заалдсанаар ийнхүү шүүх хурал өчигдөр эхэлсэн ч дуусаагүй юм. Шүүх хурал одоо 10:00 цагаас Төв аймгийн Эрүүгийн хэргийн давж заалдах шатны шүүхэд үргэлжилнэ.
Б.ЗАЯА
Эх сурвалж: shuurhai.mn
