Орон нутгийн замд зам тээврийн ноцтой осол гарч, нэг хүн амиа алдсан харамсалтай хэрэг гарлаа. Тодруулбал, энэ сарын 28-н буюу өчигдөр 07.50 цагийн орчимд Баянхонгор аймаг Баян-Овоо сум хоёрдугаар багийн нутаг “Савх” гэх газар асфальтан замд Nissan Condor маркийн автомашины араас Hyundai Sonata маркийн Б жолоочтой автомашин мөргөж, зорчигч 35 настай, эмэгтэй Б-н амь нас хохирсон ноцтой зам тээврийн осол бүртгэгдсэн байна.
Тиймээс орон нутгийн замд хөдөлгөөнд оролцохдоо тээврийн хэрэгслийн хурдыг тогтоосон хязгаараас хэтрүүлэхгүй, техникийн бүрэн бүтэн байдлыг хангаж хөдөлгөөнд оролцохыг анхааруулж байна.
