с
Шилэн Цогоо буюу Д.Цогтгэрэлийн ээлжит шалгалтад "Эрдэнэс Монгол" ХХК-ийн охин компани болох "Эрдэнэс Оюу толгой" ХХК бүдэрчээ. ТУЗ-ийн хурлын тогтоолоор 2019 оны нэгдүгээр сарын 31-ний өдрөөс "Эрдэнэс Оюу Толгой" ХХК-ийн гүйцэтгэх захиралаар Цэвэгмидийн Түмэнцогт томилогдон ажиллаж байна.
"Эрдэнэс Оюу Толгой" нь стратегийн ач холбогдол бүхий ашигт малтмалын Оюу толгой ордод үйл ажиллагаа явуулж буй “Оюу Толгой” ХХК-ийн төрийн эзэмшлийн хувьцааг эзэмшиж, хувьцаа эзэмшигчийн эрх, үүргийг хэрэгжүүлэх үндсэн зорилго бүхий төрийн өмчит компани юм.
Тэгвэл тус компани огт Шилэн данс хөтлөөгүй байна.
Тиймээс Шилэн Цогоо тус компанийн удирдлага болох Ц.Түмэнцогтод Шилэн дансаа хөтлөх хоёр хоногийн хугацаатай үүрэг өгчээ.
Сайд нарын эрхлэх асуудлын хүрээнд хамаарагдах төрийн өмчит байгууллагуудын үйл ажиллагаа, хуулийн хэрэгжилтэд хэн ч хяналт тавьдаггүйн тод жишээ үүгээр үргэлжилж байна.
