Улсын Онцгой комисс маргааш (2020.11.07) хуралдахаар болжээ. Хурлаар коронавирусний халдвар, хамгааллын дэглэмтэй холбоотой асуудлыг авч хэлэлцэх зар түгээгээд байна.
Гэхдээ энэ удаагийн хурал онцгой нөхцөл байдалд болж мэдэх нь. Учир нь Монгол Улс дотооддоо Ковид 19 халдварласан анхны тохиолдлыг өчигдөр бүртгэлээ. Тодруулбал, өвчтэй хүмүүст үйлчилж байсан сувилагч халдвар авсныг ЭМЯ, ХӨСҮТ зарласан. Энэ бол аюул улам ойртож байгаагийн дохио. Нөгөө талаар манай эмнэлгийн байгууллагын халдвар хамгааллын систем эрсдэлтэй байгааг харуулсан явдал боллоо.
Хэдийгээр манай улс, тэр дундаа эрүүл мэндийн салбарынхан 11 сарын турш өвчнийг барьж дийлсэн ч халдварын тохиолдол олон болох тусам үйлчилгээний ажилтнууд, эрүүл мэндийн ажилтнуудын халдвар хамгаалал, тусгаарлалтын асуудалд анхаарах хэрэгтэй болох нь.
Б.ЗАЯА
Эх сурвалж: shuurhai.mn
