Энэ сараас эхлэн эмийн сангууд хөнгөлөлттэй эмийг сарын турш худалдан борлуулах үйлчилгээг үзүүлж эхэлсэн. Өмнө нь сарын эхний өдрүүдэд өгөөд “Санхүүжилт дууссан” хэмээн тайлбарладаг байсан бол одооноос иргэн аль ч эмийн сангаас сарын аль ч өдөр шаардлагатай эм тариагаа худалдан авах боломжтой болж байна. Ингэхдээ та дараах зүйлсийг мэдэхэд илүүдэхгүй.
- Хөнгөлөлттэй эмийг и-баримт хэвлэдэг, цахим сүлжээнд холбогдсон эмийн сангууд олгоно
- Эм худалдан авахын өмнө иргэн та хурууны хээгээ таниулах ёстой.
- Та аль ч дүүрэг, хорооноос өөрийн бүртгэл үл харгалзан эмээ худалдан авах боломжтой.
- Эмийн жорыг та улсын эмнэлгийн ямар ч эмчээр бичүүлж болно.
- Хөнгөлөлттэй эм авсны дараа и-баримтын системээр Танд хөнгөлөлттэй эм авсан эсэх талаар асуусан зурвас очих юм. иргэн "тийм" эсвэл "үгүй" гэсэн хариултыг өгөх шаардлагатай бөгөөд энэ нь хөнгөлөлттэй эмийн зүй зохистой зарцуулалтад иргэний оруулж буй хувь нэмэр болох юм. хэрэв "Үгүй" гэсэн хариулт өгсөн тохиолдолд эмДЕг хяналт шалгалт хийж шаардлагатай арга хэмжээг авч ажиллана.
- Зүрх судас, чихрийн шижин, уналт таталт, зүрхний хэм алдагдал зэрэг өвчтэй хүмүүс эмээ түвэггүй авах боломжтой.
- Эмийг авахдаа хурууны хээ таниулах боломжгүй хэвтрийн дэглэмтэй иргэд регистрийн дугаараар бүртгүүлж эмээ авна.
Б.ЗАЯА
Эх сурвалж: shuurhai.mn
