Улсын онцгой комиссын 2020 оны арваннэгдүгээр сарын 11-ний өдрийн 33 дугаар хурлаар Коронавируст халдварын цар тахлаас урьдчилан сэргийлэх зорилгоор энэ сарын 11-13-ны өдрийн хооронд нийслэл Улаанбаатар хотод хөл хорио тогтоох шийдвэрийг гаргаад байна.
Иймд арваннэгдүгээр сарын 12 /Пүрэв/, 13 /Баасан/-ны өдрүүдэд төлөвлөгдөөд байсан Сөүл-Улаанбаатар чиглэлийн тусгай үүргийн нислэгүүдийг түр хугацаагаар хойшлуулах чиглэлийг УОК-аас Монгол Улсаас БНСУ-д суугаа ЭСЯ-ны Консулын хэлтэст хүргүүлжээ.
Тиймээс Консулын хэлтсээс үүссэн нөхцөл байдлыг ойлгон хүлээн авч, дараагийн нислэгийн хуваарь гартал хүлээцтэй байхыг иргэдэд хандан уриалсан байна. ЭСЯ-аас тусгай үүргийн нислэгийн шинэчлэгдсэн хуваарь гарсан даруйд мэдээлнэ хэмээн Монгол Улсаас БНСУ-д суугаа ЭСЯ-ны Консулын хэлтэсээс мэдэгджээ.
Эх сурвалж: shuurhai.mn
