Засгийн газрын шийдвэрээр Монгол Улс даяар бүх нийтийн бэлэн байдлын зэрэгт шилжүүллээ. Шадар сайд Я. Содбаатар “Маргааш өглөөний буюу арваннэгдүгээр сарын 12-ны 06:00 цагаас арваннэгдүгээр сарын 17-ны 06:00 цаг хүртэл Гамшгаас хамгаалах бүх нийтийн бэлэн байдлын зэрэгт шилжүүлэх шийдвэрийг Засгийн газрын хуралдаанаас гаргалаа. Маргааш өглөөнөөс таван өдрийн хугацаатай хатуу хөл хорионы дэглэм рүү шилжүүлж байна" гэв.
Шаардлагатай цөөн тооны тохиолдолд гэрээс гарахыг зөвшөөрч байна. Тодруулбал, хүнс, эрүүл мэнд, буяны ажил, ус түлшээ авах шаардлагатай үед гарах боломжтой. Бусад тохиолдолд гэртээ байхыг зөвлөлөө.
Одоогоор халдвар илэрсэн иргэнтэй 1 дүгээр хавьтал болсон 70 гаруй хүнийг олж илрүүлэх ажил үргэлжилсээр байна. Мөн дам хавьтал 2000 орчим хүн байгаа гэдгийг ЭМЯ мэдээлж байна.
Эх сурвалж shuurhai.mn
