Ковид 19 вирусийн халдварын дахин нэг сэжигтэй тохиолдол Сэлэнгэ аймагт илэрчээ. Энэ талаар УОК-оос яг одоо хийж байгаа хурлаар мэдээллээ.
Сэжигтэй иргэн нь 74 настай бөгөөд 2 удаагийн шинжилгээгээр эерэг хариу гарчээ. Тэрээр энэ сарын 5-нд анхны шинж тэмдэг илэрч 9-нд эмнэлгийн байгууллагад ханджээ. Тиймээс тухайн иргэнийг ХӨСҮТ рүү шилжүүлэн авч ирж байгаа аж.
Энэ тохиолдол нь Тирийн жолоочтой холбоогүй, Сэлэнгэ аймагт өөр нэгэн голомт байх магадлалтай гэдгийг Эрүүл мэндийн сайд Т.Мөнхсайхан мэдэгдлээ. Тухайн иргэнтэй холбоотой нэг, хоёрдугаар хавьтлын иргэдийг тусгаарлан шинжилгээ авч эхэлжээ.
Эх сурвалж: shuurhai.mn Б.ЗАЯА
