Алтанбулаг боомтоор орж ирсэн ачаа тээврийн жолоочоос тусгаарлалтаас гарсны дараа буюу дөрвөн хоногийн дараа коронавирус илэрсэн. Түүнчлэн ойрын хавьтлын буюу эхнэр, дүү, хадам ээжээс нь ч мөн илэрсэн. Харин дам хавьтлын буюу түүний дүүгийн хамт номын санд суусан МУБИС-ийн эмэгтэй оюутнаас коронавирусын халдвар илрээд байгаа юм.
Харин халдвартай иргэдийн мэдээллийг цуглуулах явцад коронавирусын халдвар илэрсэн иргэн Д нь өөрийн явсан маршрут, уулзсан хүмүүсийн тухай ДУТУУ мэдүүлсэн гэх мэдээлэл иржээ.
Халдвартай иргэн Д нь ЧД-ийн “Нэг цэгийн үйлчилгээ”-ээр үйлчлүүлсэн бөгөөд хурууны хээгээр тодорхойлолт авсан байжээ. Мөн Сансарын “CU” сүлжээ дэлгүүрээр үйлчлүүлж, бэлэн мөнгөөр төлбөр төлсөн аж. Иймд албаныхан шуурхай хуралдаж түүний ДУТУУ мэдүүлгээс иргэд, олон нийтийн дунд коронавирусын халдвар тархах эрсдэл өндөр байгааг анхааруулсан байна.
Эх сурвалж: Erennews.mn
