Ковид 19 вирусийн халдвар Сэлэнгэ аймагт 74 настай иргэн халдварласнаар эхлээд байгаа юм. Тухайн иргэн хаанаас халдвар авсан нь өнөөдрийг хүртэл тодорхойгүй, албаныхан судалж байгаа талаар мэдээлж байв. Үүнээс үүдэж Дархан-Уул аймагт ч шинэ халдварын тохиолдол бүртгэгдээд байгаа.
Тэгвэл Сэлэнгэ аймгийн халдварын эх үүсвэрийг албаныхан тогтоож эхэлжээ. Тодруулбал, Алтанбулаг боомтод ачаа, тээвэртэй ажилладаг дунд эргэм насны эрэгтэй хүн халдвартай байж таарчээ. Тухайн иргэн 10 дугаар сарын сүүлчээр халдвар авсан байх магадлалтай талаар хэвлэлүүд мэдээлж эхлээд байна.
Одоогийн байдлаар Улаанбаатар хотод 10, ХӨСҮТ-д долоо, Сэлэнгэ аймагт дөрөв, Дархан-Уул аймагт нэг тохиолдол батлагдаад байна.
Эх сурвалж: shuurhai.mn Б.ЗАЯА
