Ковид 19 вирусийн халдварын нөхцөл байдлын талаар ЭМЯ, ХӨСҮТ 11:00 цагийн мэдээллээ хийж байна. Улсын хэмжээнд өчигдөр нийт 3,011 хүнд PCR шинжилгээ хийсэн. Дархан-Уул аймагт өчигдрийн 17:00 цагаас хойш халдварын тохиолдол нэмж бүртгэгдээгүй, 20 тохиолдолтой байгаа. Мөн Дорноговь, Орхон аймагт нэмж тохиолдол бүртгэгдээгүй бөгөөд тус тус 17 тохиолдолтой байгаа. Говьсүмбэр аймагт шинээр халдвар нэмэгдээгүй, 1 тохиолдолтой байгаа. Сэлэнгэд нийт 98 тохиолдол байна. Тус аймагт шинжилгээ, судалгаа үргэлжилж байгаас ХӨСҮТ-өөс мэдээллээ.
Харин Улаанбаатар хотод 11 хүнд коронавирусийн халдвар шинээр илэрсэн байна. Эдгээр нь батлагдсан тохиолдлын ойрын хавьтал ажээ. Тодруулбал, гурван хүнд хоёр дахь удаагийн шинжилгээгээр илэрсэн. Бусад нь 20, 21-нд батлагдсан тохиолдлын ойрын хавьтал гэнэ.
Ингэснээр Монгол Улсад зөөвөрлөгдөн орж ирсэн болон дотоодын халдвар нийлээд 640 тохиолдол болж байна. Улаанбаатараас гадна орон нутагт Дархан-Уул 20, Дорноговь 17, Орхон 17, Говьсүмбэр 1, Сэлэнгэ аймагт 98 тохиолдол бүртгэгдээд байна.
Эх сурвалж: shuurhai.mn Г.ОЧИР