Оюу толгойн далд уурхайн бүтээн байгуулалтын ажил ирэх онд эрчтэй урагшлахаар болсныг Уул уурхай хүнд үйлдвэрийн сайд Г.Ёндон мэдэгжээ. УИХ дахь МАН-ын бүлгийн өнөөдөр болсон цахимаар хуралдаанаар энэ асуудал яригдсан байна. Тус хурлаар уул уурхай, эрчим хүчний томоохон төслүүдийн талаар мэдээлэл сонссон байна. Засгийн газрын 2020-2024 оны үйл ажиллагааны хөтөлбөрт тусгасан Уул уурхай, Эрчим хүчний томоохон төсөл хөтөлбөрүүдийн талаар Уул уурхай, хүнд үйлдвэрийн сайд Г.Ёндон, Эрчим хүчний сайд Н.Тавинбэх нар бүлгийн гишүүдэд мэдээлэл өгч, гишүүдийн асуултад хариулжээ.
Энэ үеэр Уул уурхай, хүнд үйлдвэрийн сайд Г.Ёндон Оюутолгойн далд уурхайг ашиглалтад оруулснаар зэсийн баяжмал үйлдвэрлэл 622 мянган тонноос 1,583 мянган тонн болж 2.5 дахин нэмэгдэнэ. Уг төслийн явц 2020 оны эхний хагас жилийн байдлаар төсөл эхэлснээс хойш далд уурхайд 4.044.0 сая ам.долларын санхүүжилт хийгдсэн. 2021 оны долдугаар сараас далд уурхайн огтолгооны түвшний өрөмдлөг тэсэлгээний ажлыг эхлүүлэх талаар танилцуулсан байна.
Эх сурвалж: shuurhai.mn Г.ОЧИР
