Экс ерөнхийлөгч Н.Энхбаярын хүү Э.Батшугар зэрэг зиндаа нийлсэн Т.Дариймаа гэх бүсгүйтэй хуримлаж байсан нь саяхан мэт. Хэн хэн нь гадаад оронд өндөр боловсролтой бөгөөд тэд дундаасаа нэг охинтой. Гэвч амьдралын эрхээр өрх тусгаарласан. Э.Батшугар Т.Дариймаагаас хойш Б.Янжиндулам гэх бүсгүйтэй амрагын харилцаатай байсан ч Намбарван хүүгээ жүжигчин бүсгүйд алдахыг хүсээгүй. Өдгөө аавынхаа залгамжыг авахаар улс төрд гэх их айлд орж, удаа дараалан өвдөг шороодсоор байхад экс гэргий нь харийн оронд нижгэр хурим хийж явна.
Т.Дариймаа Пенсильванийн их сургуулийн Wharton хэмээх Ivy League бизнесийн сургуулийг дүүргэсэн бөгөөд Goldman Sachs хөрөнгө оруулалтын банкинд ажилд орж, ажил хэргийн шугамаар нөхөртэйгөө танилцжээ. Түүний нөхрийг Доминик Жүүрис гэнэ. Тэд хамтран амьдарсаар долоон жилийг үдэж, өнгөрөгч хоёрдугаар сард Португал улсын Синтра хотын Сетеаис ордонд монгол уламжлал, өв соёл шингэсэн нүсэр хурим хийжээ. Түүний нөхөр Португалийн язгууртан айлын хүү бөгөөд өөрийн гэсэн хөрөнгө бэлтэй, хувийн бизнесээ хөгжүүлчихсэн чамгүй карьер өндөртэй нэгэн аж.
