с
Монгол Улсад коронавирусийн халдварын тохиолдол 849 бүртгэгдээд буй. Харин дотоодын халдвар 404, Улаанбаатарт 99 тохиолдол бүртгэгдээд байгаа юм. Тиймээс Монгол Улсын Засгийн газраас 70 мянга орчим өрхийг сонгож, сонгогдсон өрх бүрээс 1 иргэнийг коронавирусийн шинжилгээнд оруулж байна.
Өрхийг сонгохдоо олон ам бүлтэй, хөдөлгөөнт ажил эрхэлдэг, нэг хашаанд эсвэл байранд олноороо амьдардаг, үйлчилгээний газарт ажилладаг болон ажиллуулдаг, мөн бусад эрсдэлтэй байдлыг тооцон сонгож уг шинжилгээнд хамруулахаар төлөвлөсөн. Нийт шинжилгээнд хамрагдах өрхийн 70 хувийг өвчлөл гарсан хороодоос, 30 хувийг эрсдэл өндөртэй болон бусад хороодоос тандалт хийх зорилгоор хамруулах юм.
Мөн шинжилгээнд хамрагдах иргэдийн цаг, байршлыг тухайн хороо, өрхийн эрүүл мэндийн төвөөс урьдчилан товлож сонгогдсон өрх бүрт мэдэгдэх тул зөвхөн сонгогдсон өрхийн иргэн хамрагдана гэдгийг Нийслэлийн Онцгой комиссын Шуурхай штабаас анхааруулж байна.
Тодруулбал, Дүүргийн онцгой комиссоос хороо, дүүргийн болон өрхийн эрүүл мэндийн төвүүдтэй хамтран шинжилгээнд хамрагдах өрх, иргэнийг сонгох, цаг товлох, хариу илгээх үйл ажиллагааг зохион байгуулж байгаа аж.
