УИХ-ын Төрийн байгуулалтын байнгын хорооны хуралдаанаар МҮОНРТ-ийн Үндэсний зөвлөлийн гишүүдийг чөлөөлж, томилох асуудлыг хэлэлцлээ. Хуралдаанаар Үндэсний зөвлөлийн 7 гишүүнийг тодорхой болгов.
Тодруулбал, Ерөнхийлөгчийн зүгээс өөрийнх нь ХМА-ны дарга байсан Ж.Цэсэнг нэр дэвшүүлсэн, Засгийн газраас нэр дэвшүүлсэн Г.Отгонбаяр, М.Уянга нарыг нэр дэвшүүлснийг Байнгын хорооны гишүүдийн олонх дэмжсэн байна. Харин УИХ-аас нэр дэвшүүлэх дөрвөн хүнийг сонгохдоо нууц санал хураалт явуулж Ч.Батцэнгэл, М.Наранбаатар, Б.Ганболд, Ц.Цоодол нар Үндэсний зөвлөлд нэр дэвшихээр болсон байна.
Ийнхүү шинээр томилогдох болсон долоон хүнийг УИХ-ын чуулганы хуралдаанаар хэлэлцүүлэн батлах юм.
Эх сурвалж: shuurhai.mn Г.ОЧИР
