Монгол Улсад өнгөрсөн 24 цагт хийгдсэн коронавирус илрүүлэх шинжилгээний хариуг танилцууллаа.
Арванхоёрдугаар сарын 9-нд улсын хэмжээнд 21,470 хүнд шинжилгээ хийжээ. Үүнээс таван хүний сорьцод коронавирусийн халдвар илэрсэн байна. Батлагдсан таван тохиолдлын дөрөв нь Улаанбаатар хотод бүртггэдсэн бөгөөд сүүлийн батлагдсан тохиолдлын ойрын хавьтал /гэр бүлийн гишүүд/ аж. Тэд даван шинжилгээгээр халдвар авсан нь илэрлээ.Харин нэг хүн нь ХӨСҮТ-ийн сувилагч байна.
Сэлэнгэ, Дархан-Уул, Орхон, Дорноговь, Говьсүмбэр, Архангай аймагт сүүлийн 24 цагт халдвар нэмж бүртгэгдээгүй. Ингэснээр дотоодын халдварын нийт тоо 447 болж байна. Монгол Улсад бүртгэгдсэн нийт халдварын тоо 898 болсон бөгөөд үүнээс 384 нь эдгэрсэн.
Өнөөдрийн байдлаар эмчилгээнд байгаа 505 хүний биеийн байдлыг үнэлбэл, маш хүнд нэг, хүнд зургаа, хүндэвтэр 84, хөнгөн 414 байгаа аж.
Эх сурвалж: shuurhai.mn Г.ОЧИР
